شىمكەنتتە 21 جاستاعى نۇراي سەرٸكبايدىڭ ٶلٸمٸنە قاتىستى قىلمىستىق ٸستٸ سوتتا قاراۋ باستالدى. مەملەكەتتٸك ايىپتاۋشى جارييالاعان تەرگەۋ نۇسقاسىنا سەيكەس, ايىپتالۋشى بويجەتكەنگە بارلىعى 35 رەت پىشاق جاراقاتىن سالعان, دەپ حابارلايدى dalanews.kz.
سوت وتىرىسىنىڭ باسىندا سۋديا ايىپتالۋشى شەرحان ايماحاننان جەكە باسىنا قاتىستى مەلٸمەتتەردٸ سۇرادى. ول 33 جاستا ەكەنٸن, شىمكەنت قالاسىندا تۋعانىن, «ەنەرگەتيك» ماماندىعى بويىنشا جوعارى بٸلٸم العانىن ايتتى. سونداي-اق ٷيلەنبەگەنٸن جەنە بۇعان دەيٸن سوتتالماعانىن جەتكٸزدٸ.
جەبٸرلەنۋشٸ تاراپ تٸكەلەي ەفير ٶتكٸزۋدٸ سۇرادى
مارقۇمنىڭ وتباسى ٶكٸلدەرٸنٸڭ ادۆوكاتتارى سوت پروتسەسٸن تٸكەلەي ەفيردە كٶرسەتۋدٸ ٶتٸندٸ. ولاردىڭ پٸكٸرٸنشە, قوعامدا ٷلكەن رەزونانس تۋدىرعان ٸس بارىنشا اشىق قارالۋعا تيٸس.
ادۆوكاتتار ترانسلياتسييا قۋدالاۋ مەن ستالكينگتٸڭ قانداي اۋىر سالدارعا ەكەلۋٸ مٷمكٸن ەكەنٸن كٶرسەتۋگە كٶمەكتەسەتٸنٸن ايتتى. سونداي-اق بۇل باسقا قىز-كەلٸنشەكتەرگە ٶز قۇقىقتارىن قورعاۋ جولدارىن تٷسٸندٸرۋگە ىقپال ەتەدٸ دەپ ەسەپتەيدٸ.
الايدا ايىپتالۋشىنىڭ قورعاۋشىلارى سوت وتىرىسىن تٸكەلەي كٶرسەتۋگە قارسى بولدى. سۋديا جەبٸرلەنۋشٸ تاراپتىڭ ٶتٸنٸشٸن قاناعاتتاندىرمادى.
ايىپتالۋشى القابيلەر سوتىنان باس تارتتى
وتىرىستا شەرحان ايماحان قىلمىستىق ٸستٸڭ القابيلەردٸڭ قاتىسۋىمەن قارالۋىن قالامايتىنىن مەلٸمدەدٸ. وسىدان كەيٸن مەملەكەتتٸك ايىپتاۋشى ايىپتاۋ اكتٸسٸن وقۋعا كٸرٸستٸ.
تەرگەۋ نۇسقاسى بويىنشا, قىلمىس بولعان كٷنٸ ايىپتالۋشى الدىمەن نۇراي سەرٸكبايعا بەس رەت پىشاق جاراقاتىن سالىپ, وقيعا ورنىنان كەتٸپ قالعان. الايدا كٶپ ۇزاماي قايتا ورالىپ, بويجەتكەنگە تاعى 30 رەت پىشاق سۇققان.
وسىلايشا, ايىپتاۋ اكتٸسٸندە جەبٸرلەنۋشٸگە بارلىعى 35 رەت پىشاق جاراقاتى سالىنعانى كٶرسەتٸلگەن.
