مارقۇم ەكس-سۋديا ايگٷل سايلىباەۆانىڭ كٷيەۋٸ الەكساندر دونتسوۆ پەن ونىڭ اناسى ناتاليا مەسكەۋ قالاسىندا ۇستالدى. بۇل تۋرالى مارقۇمنىڭ اعاسى قانات سايلىباەۆ ينستاگرام-پاراقشاسىندا مەلٸمدەدٸ, دەپ حابارلايدى Dalanews.kz
ونىڭ ايتۋىنشا, كٷدٸكتٸلەر مەسكەۋدەن تابىلىپ, پوليتسييا بٶلٸمشەسٸنە جەتكٸزٸلگەن. قازٸرگٸ تاڭدا ولاردى قازاقستانعا ەكستراديتسييالاۋ مٷمكٸندٸگٸ قاراستىرىلىپ جاتىر.
«ەندٸ ولاردى ەلگە بەرۋ مەسەلەسٸ شەشٸلەدٸ. ديپلوماتييالىق قيىندىقتار مەن بٸرنەشە ازاماتتىقتىڭ بولۋىنا بايلانىستى بارلىق رەسٸمدەر ۇزاققا سوزىلۋى مٷمكٸن», – دەپ جازدى قانات سايلىباەۆ.
ەسكە سالايىق, 2024 جىلعى 7 ماۋسىمدا قازاقستاندىق قانات سايلىباەۆ گەرمانييادا جٷرگەن قارىنداسى ايگٷل سايلىباەۆانىڭ جوعالىپ كەتكەنٸن مەلٸمدەگەن. ايگٷل سايلىباەۆا — استانانىڭ سارىارقا اۋداندىق سوتىنىڭ بۇرىنعى سۋدياسى, سونداي-اق «بولاشاق» باعدارلاماسىنىڭ تٷلەگٸ بولعان.
كەيٸن قازاقستاننىڭ سىرتقى ٸستەر مينيسترلٸگٸ قازاقستاندىق ديپلوماتتاردىڭ جەرگٸلٸكتٸ پوليتسيياعا جەدەل تٷردە جٷگٸنگەنٸن, ٸزدەستٸرۋ شارالارى باستالعانىن حابارلادى. ال 16 ماۋسىمدا جوعالىپ كەتكەن قازاقستاندىقتىڭ مەيٸتٸ تابىلدى.
2024 جىلعى قازان ايىندا گەرمانييا پروكۋراتۋراسىنىڭ ٶكٸلٸ بۇل ٸس بويىنشا مارقۇمنىڭ ەنەسٸ باسقا مەملەكەت اۋماعىندا بولۋى مٷمكٸن ەكەنٸن مەلٸمدەدٸ. ال قاراشا ايىندا قازاقستاندا ايگٷل سايلىباەۆانىڭ ٶلٸمٸنە بايلانىستى قىلمىستىق ٸس قوزعالعانى بەلگٸلٸ بولدى.
قازاقستاننىڭ ٸشكٸ ٸستەر مينيسترلٸگٸ سۋديا ايگٷل سايلىباەۆانىڭ كٷيەۋٸ مەن ەنەسٸنە ٸزدەۋ جارييالاعان بولاتىن.
