Marqum eks-sýdia Aigúl Sailybaevanyń kúieýi Aleksandr Dontsov pen onyń anasy Natalia Máskeý qalasynda ustaldy. Bul týraly marqumnyń aǵasy Qanat Sailybaev instagram-paraqshasynda málimdedi, dep habarlaidy Dalanews.kz
Onyń aitýynsha, kúdiktiler Máskeýden tabylyp, politsiia bólimshesine jetkizilgen. Qazirgi tańda olardy Qazaqstanǵa ekstraditsiialaý múmkindigi qarastyrylyp jatyr.
«Endi olardy elge berý máselesi sheshiledi. Diplomatiialyq qiyndyqtar men birneshe azamattyqtyń bolýyna bailanysty barlyq rásimder uzaqqa sozylýy múmkin», – dep jazdy Qanat Sailybaev.
Eske salaiyq, 2024 jylǵy 7 maýsymda qazaqstandyq Qanat Sailybaev Germaniiada júrgen qaryndasy Aigúl Sailybaevanyń joǵalyp ketkenin málimdegen. Aigúl Sailybaeva — Astananyń Saryarqa aýdandyq sotynyń burynǵy sýdiasy, sondai-aq «Bolashaq» baǵdarlamasynyń túlegi bolǵan.
Keiin Qazaqstannyń Syrtqy ister ministrligi qazaqstandyq diplomattardyń jergilikti politsiiaǵa jedel túrde júgingenin, izdestirý sharalary bastalǵanyn habarlady. Al 16 maýsymda joǵalyp ketken qazaqstandyqtyń máiiti tabyldy.
2024 jylǵy qazan aiynda Germaniia prokýratýrasynyń ókili bul is boiynsha marqumnyń enesi basqa memleket aýmaǵynda bolýy múmkin ekenin málimdedi. Al qarasha aiynda Qazaqstanda Aigúl Sailybaevanyń ólimine bailanysty qylmystyq is qozǵalǵany belgili boldy.
Qazaqstannyń Ishki ister ministrligi sýdia Aigúl Sailybaevanyń kúieýi men enesine izdeý jariialaǵan bolatyn.
