قازاقستاندا ماركەتپلەيستەر ارقىلى تاۋار ساتاتىن كەسٸپكەرلەرگە قاتىستى جاڭا تالاپ ەنگٸزۋ جوسپارلانىپ وتىر. ەگەر ساتۋشى تاۋاردىڭ شىعۋ تەگٸن راستايتىن قۇجاتتاردى ۇسىنباسا, ونىڭ اككاۋنتى ۋاقىتشا بۇعاتتالۋى مٷمكٸن, دەپ حابارلايدى dalanews.kz.
زاڭ جوباسىندا كٶرسەتٸلگەندەي, ەلٸمٸزدە ماركەتپلەيستەر ارقىلى جالپى قۇنى 2 تريلليون تەڭگەدەن استام تاۋار ساتىلعان. ونىڭ ٸشٸندە 200 ميلليارد تەڭگەدەن استام تاۋاردىڭ شىعۋ تەگٸن راستايتىن قۇجاتتار ۇسىنىلماعان.
وسىعان بايلانىستى كەلەسٸ جىلدان باستاپ ماركەتپلەيستەردە تاۋار ساتاتىن, بٸراق ٶنٸمنٸڭ زاڭدى شىعۋ تەگٸن دەلەلدەي المايتىن ساتۋشىلاردىڭ اككاۋنتىن بۇعاتتاۋ ارقىلى ساۋدانى توقتاتۋ تەتٸگٸن ەنگٸزۋ ۇسىنىلىپ وتىر. بۇل شارانى سالىق ورگاندارى جٷزەگە اسىرادى.
«سالىق كودەكسٸنە ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىندا اتالعان نورما كٶلەڭكەلٸ ەكونوميكانىڭ ٷلەسٸن ازايتۋعا ىقپال ەتەتٸنٸ اتاپ ٶتٸلگەن.
جاڭا تالاپتىڭ ناقتى قالاي ٸسكە اسىرىلاتىنى جەنە قانداي قۇجاتتار تاۋاردىڭ شىعۋ تەگٸن راستاۋعا جەتكٸلٸكتٸ بولاتىنى زاڭ قابىلدانعاننان كەيٸن بەلگٸلٸ بولادى.
