Qazaqstanda marketpleister arqyly taýar satatyn kásipkerlerge qatysty jańa talap engizý josparlanyp otyr. Eger satýshy taýardyń shyǵý tegin rastaityn qujattardy usynbasa, onyń akkaýnty ýaqytsha buǵattalýy múmkin, dep habarlaidy dalanews.kz.
Zań jobasynda kórsetilgendei, elimizde marketpleister arqyly jalpy quny 2 trillion teńgeden astam taýar satylǵan. Onyń ishinde 200 milliard teńgeden astam taýardyń shyǵý tegin rastaityn qujattar usynylmaǵan.
Osyǵan bailanysty kelesi jyldan bastap marketpleisterde taýar satatyn, biraq ónimniń zańdy shyǵý tegin dáleldei almaityn satýshylardyń akkaýntyn buǵattaý arqyly saýdany toqtatý tetigin engizý usynylyp otyr. Bul sharany salyq organdary júzege asyrady.
«Salyq kodeksine ózgerister men tolyqtyrýlar engizý týraly» zań jobasynda atalǵan norma kóleńkeli ekonomikanyń úlesin azaitýǵa yqpal etetini atap ótilgen.
Jańa talaptyń naqty qalai iske asyrylatyny jáne qandai qujattar taýardyń shyǵý tegin rastaýǵa jetkilikti bolatyny zań qabyldanǵannan keiin belgili bolady.
