شىعىس قازاقستان وبلىسى كۇرشىم اۋدانىنداعى مارالدى اۋىلىنىڭ ماڭايىنداعى التىن ءوندىرۋ فابريكاسى ءۇشىن التىن كەن ورنىنا ەكولوگيالىق رۇقسات الىندى.
9 ساۋىردە «گرك «Maralicha» ءجشس-ى كۇرشىم اۋدانىنداعى ماراليحينسكوە كەن ورنىندا ونىمدىلىگى جىلىنا 250 مىڭ توننا التىن كەندەرىن وندىرۋگە قورشاعان ورتاعا اسەرىنە ەكولوگيالىق رۇقساتىن الدى.
كەن مارالدى اۋىلىنىڭ ماڭىنداعى التىن ءوندىرۋ فابريكاسىنىڭ شيكىزاتى بولىپ تابىلادى. بۇل شەشىمنىڭ الدىندا كومپانيالار توبى بويىنشا ءبىرقاتار قوعامدىق تىڭداۋلار وتكىزىلىپ، وندا كەن ورنىنىڭ ىقتيمال اسەرى جان-جاقتى قاراستىرىلدى.
ەكولوگيا، ونەركاسىپ، گيدروگەولوگيا، تابيعاتتى پايدالانۋ جانە جەر قاتىناستارى سالالارىنىڭ ماماندارى ساراپتامالىق قورىتىندىلارىن بەردى. ولاردىڭ بارلىعى قورشاعان ورتانى قورعاۋ شارالارىن ساقتاي وتىرىپ، جەر قويناۋى ۋچاسكەسىندە كەن وندىرۋگە رۇقسات ەتىلگەنىن راستادى. كومپانيالار توبى جاقىن ارادا ولاردى جۇزەگە اسىرۋعا كىرىسەدى.
بۇل جوبانىڭ شەكارالاس اۋداننىڭ دامۋىنا ۇلكەن سەرپىن بەرەرى انىق. جالپى، كەز كەلگەن ينۆەستيسيالىق جوبا – ەڭ الدىمەن قوسىمشا سالىق اكەلەتىن كوز، قوسىمشا جۇمىس ورىندارى، ءوڭىردىڭ وركەندەۋ كوزى.
التىن ءوندىرۋ فابريكاسىنىڭ قۇرىلىسى بيزنەستى كولەڭكەلى ەكونوميكادان شىعارىپ قانا قويماي، مارالدى اۋىلىنىڭ تۇرعىندارىنا دا الەۋمەتتىك كەپىلدىكتەر بەرەدى. بۇعان دەيىن «MARALICHA» تاۋ-كەن كومپانياسى» ج ش س اتقارۋشى ديرەكتورى مارات اساۋبايەۆ كومپانيا مارالدى اۋىلىنداعى جولداردى جوندەۋگە مىندەتتەنەتىنىن ايتقان بولاتىن.
– سونداي-اق ءبىز قويتاستاعى كوپىردى قايتا جاڭارتۋدى، جەرگىلىكتى مەكتەپتى ماتەريالدىق-تەحنيكالىق جاراقتاندىرۋعا قاراجات ءبولۋدى، اۋىلدىق وكرۋگ تۇلەكتەرىن جوعارى وقۋ ورىندارى مەن كوللەدجدەردە وقىتۋدى جوسپارلاپ وتىرمىز، – دەگەن مارات اساۋبايەۆ تىڭداۋلاردىڭ بىرىندە.
كاسىپورىن ءوز موينىنا الاتىن الەۋمەتتىك مىندەتتەمەلەردىڭ قاتارىندا مەديسينالىق وبەكتىلەردى جوندەۋ، مۇگەدەكتەرگە تۇرعىن ءۇي الىپ بەرۋ بار.
كاسىپورىن قىزمەتىنىڭ زاڭدىلىعىن ايماق بيلىگى ءجىتى قاداعالايتىن بولادى. جەرگىلىكتى بيلىك، وبلىس باسشىلىعى ءاردايىم قولدانىستاعى زاڭناما تالاپتارىنىڭ قاتاڭ ساقتالۋىن، ەكولوگيالىق قاۋىپسىزدىكتى قامتاماسىز ەتەدى جانە حالىقتىڭ مۇددەسىن باستى نازاردا ۇستايدى.
ەستەرىڭىزگە سالا كەتسەك، زاۋىت قۇرىلىسىنا 2022 جىلعى 26 شىلدەدە شقو بويىنشا ەكولوگيا دەپارتامەنتى رۇقسات بەرگەن. ول رۇقساتتىڭ مەرزىمى 2022 جىلدىڭ 31 جەلتوقسانىندا اياقتالدى. ءبىرقاتار سەبەپتەرمەن زاۋىت قۇرىلىسى ۋاقىتىندا اياقتالمادى. وسىعان بايلانىستى كاسىپورىنعا جاڭا ەكولوگيالىق رۇقسات الۋ قاجەت ەدى. «ماراليحا» جانە «ماراليحا كەن القابى» كەن ورىندارىنداعى ونىمدىلىگى جىلىنا 250 مىڭ توننا كەندى وڭدەۋ فابريكاسى ءبىرىنشى ساناتتاعى وبەكت بولىپ تابىلادى.
