وسىعان وراي بٷگٸن اتالعان قۇران كٸتابىن قوجا احمەت ياساۋي كەسەنەسٸنە تاپسىرۋ ٸس-شاراسى ٶتتٸ. سالتاناتتى شاراعا تٷركٸستان وبلىسىنىڭ ەكٸمٸ دارحان ساتىبالدى, قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى, كەنەسارى حاننىڭ ۇرپاقتارى قاتىستى.
– تٷركٸستان – سان عاسىر بويى تٷركٸ ەلەمٸنٸڭ ماڭىزدى ورتالىعى بولعان. بٷكٸل تٷركٸ دٷنيەسٸنە ەيگٸلٸ ويشىل, ۇلى ۇستاز – قوجا احمەت ياساۋي وسى شاھاردا ٶمٸر سٷرگەن.
قازاقتىڭ 21 حانى, سۇلتاندارى مەن باتىرلارى جەرلەنگەن قوجا احمەت ياساۋي كەسەنەسٸنە وسىنداي سيرەك جەدٸگەردٸ ەكەلۋ – بٸز ٷشٸن ٷلكەن مەرتەبە, ماقتانىش. بۇل – ەلٸمٸزدٸڭ رۋحىن كٶتەرەتٸن وقيعا ەكەندٸگٸ انىق.
قوجا احمەت ياساۋيدەن باستاۋ الاتىن قازاق جەرٸندەگٸ رۋحاني ساباقتاستىق قازٸرگە دەيٸن ٷزدٸكسٸز جالعاسىپ كەلەدٸ. بٸز قوعامدا قالىپتاسقان ساياسي تۇراقتىلىقتى, ادامداردىڭ بٸر-بٸرٸنە دەگەن مەيٸرٸمدٸلٸگٸن ساقتاپ, كەلەر ۇرپاققا امانات ەتٸپ قالدىرۋعا تيٸسپٸز. وسى كٸتاپتى ەلٸمٸزگە قايتارۋ ٷشٸن ٷلەسٸن قوسقان ۇلتتىڭ جاناشىر ازاماتتارىنا ٶز العىسىمدى ايتامىن, – دەدٸ وبلىس ەكٸمٸ.
ناۋرىزباي قاجى تاعانۇلى بابامىزدان جەتكەن قۇندى جەدٸگەردٸ قازاقستان مۇسىلماندارى دٸني باسقارماسى وسى جىلدىڭ ماۋسىم ايىندا قابىلداپ العانىن, مارال يشاننىڭ تەك دٸندار عانا ەمەس, قوعام قايراتكەرٸ ەكەنٸنە, اتقارعان ۇلاعاتتى ٸستەرٸنە توقتالدى.
– قۇندى جەدٸگەردٸڭ قوجا احمەت ياساۋي بابامىزدىڭ كەسەنەسٸنە قويىلۋى دەستٷرلٸ دٸنٸمٸزدٸڭ مەرتەبەسٸنٸڭ ارتىپ, حالقىمىزدىڭ ساناسىنىڭ ٸزگٸلٸككە ٶزگەرۋٸنە ىقپال ەتەدٸ دەگەن ويدامىز.
مارال يشان بابامىز كٸم دەگەندە بٸز ونى تەك دٸندار عانا ەمەس, قوعام قايراتكەرٸ, ازاتتىق ٷشٸن كٷرەسكەن تۇلعا رەتٸندە تانۋعا تيٸسپٸز. بابامىز پاتشا ٷكٸمەتٸنٸڭ قازاق جەرٸندە جاساعان ەدٸلەتسٸزدٸكتەرٸنە قارسى تۇرىپ, ەلدٸ جۇمىلدىرىپ, ۇلتتى ساقتاۋدا ۇمىتىلماس ۇلاعاتتى ٸستەر اتقاردى.
مارال يشاننىڭ اعارتۋشىلىق قىزمەتٸ بٸر تٶبە. بٸز دە بٷگٸن قۇندى مۇرانى حاندار مەن بيلەر, سۇلتاندار مەن رۋحاني ۇستازداردىڭ قييامەتكە دەيٸنگٸ مەڭگٸلٸك تۇراعى بولعان كيەلٸ مەكەنگە الىپ كەلدٸك. ەلەمنٸڭ ەر قيىرىنان تٷركٸستانعا كەلەتٸن كەز-كەلگەن ادام ٷشٸن بۇل تاعىلىمى مول, بەرەرٸ كٶپ تاريحي دٷنيە, – دەدٸ باس مٷفتي.
رۋحاني ٸس-شارادا عۇلاما قاريلار قۇران حاتىم تٷسٸردٸ. باس مٷفتي قۇران كٸتاپتى «ەزٸرەت سۇلتان» مەملەكەتتٸك تاريحي-مەدەني مۋزەي-قورىعىنىڭ ديرەكتورى مەۋلەن سادىقبەكوۆكە تاپسىرىپ, ول ٷلكەن اقساراي بٶلمەسٸندەگٸ ارنايى دايىندالعان سٶرەگە ورناتىلدى.
ەكٸ عاسىر بويى قولدان قولعا ٶتٸپ, ەندٸ عانا تاريحي وتانىنا جەتكەن كيەلٸ كٸتاپتا كەنەسارى حاننىڭ مٶرٸ بار.
