2018 جىلدىڭ 26-27 قازان كٷندەرٸ ماقتارال اۋدانىنىڭ 90 جىلدىق مەرەي تويىنىڭ قارساڭىندا
«ماقتارال – ۇلى بيلەر ۇلاعاتىنىڭ قۇت مەكەنٸ» تاقىرىبىمەن ٸس-شارالار لەگٸ جوسپارلانۋدا.
اۋداندىق باسپاسٶز قىزمەتٸنٸڭ حابارلاۋىنشا جەرگٸلٸكتٸ ەكٸمدٸك وسىناۋ شاراعا قىزۋ دايىندىق جٷرگٸزۋدە.
اتاپ ايتساق 26-قازاندا اۋدانداعى اتاكەنت كەنتٸندەگٸ «الپامىس باتىر» اتىنداعى ورتالىق ستاديوندا بابالار رۋحىن ەسكە الۋعا ارنالعان فۋتبولدان ٶتەتٸن جارىستىڭ شىمىلدىعى تٷرٸلەدٸ.
بۇدان بٶلەك دەل سول كٷنٸ اتاكەنت كەنتٸندەگٸ «دوستىق» مەدەنيەت ٷيٸندە اقىندار مەن دەستٷرلٸ ەنشٸلەر ەن-جىردان شاشۋ شاشپاق.
ال 27-شٸ قازاندا جەتٸساي قالاسىنىڭ «جەڭٸس» ورتالىق الاڭىنداعى قازاقتىڭ ٷش بيٸ ەسكەرتكٸشٸنە گٷل شوقتارىن قويۋ رەسٸمٸ ٶتەدٸ.
90 جىلدىڭ تورقالى تويدىڭ اياسىندا اتاكەنت كەنتٸندەگٸ «دوستىق» مەدەنيەت ٷيٸندە «ماقتارال – ۇلى بيلەر ۇلاعاتىنىڭ قۇت مەكەنٸ» تاقىرىبىندا ٶتەتٸن كونفەرەنتسيياعا قاتىسىپ, وسىندا كٶتەرٸلگەن مازمۇندى, ماعىنالى تاقىرىپتاردى تىڭداي الاسىز.
ارتىنشا «الپامىس باتىر» اتىنداعى ستاديوننىڭ جازعى دەمالىس الاڭىندا كەزەكتٸ كونتسەرتتٸك باعدارلاما ٶتەدٸ.
ايتا كەتەلٸك, ٸس-شارالارعا ٶتكٸزۋگە رەسپۋبليكالىق «ەيتەكە بي» قوعامدىق قورى مۇرىندىق بولدى.
