قازاقستانداعى كوممۋنالدىق قىزمەتتەردٸڭ قۇنى قىتايعا قاراعاندا جوعارى, ال رەسەيمەن سالىستىرعاندا ەكٸ ەسە تٶمەن, دەپ حابارلايدى dalanews.kz.
2026 جىلعى قازان ايىنىڭ باسىنداعى مەلٸمەت بويىنشا, قازاقستاندا اۋدانى 85 شارشى مەتر پەتەردٸڭ نەگٸزگٸ كوممۋنالدىق قىزمەتتەرٸنە (ەلەكتر ەنەرگيياسى, جىلىتۋ, سۋ جەنە قوقىس شىعارۋ) ايىنا ورتا ەسەپپەن 31,1 مىڭ تەڭگە جۇمسالادى, دەپ جازادى LS باسىلىمى.
باسقا ەلدەرمەن سالىستىرعاندا, ٷندٸستاندا دەل وسىنداي قىزمەتتەر ٷشٸن ايىنا 16,7 مىڭ تەڭگە تٶلەنەدٸ. بۇل قازاقستانداعى كٶرسەتكٸشتەن 1,9 ەسە از. سونداي-اق قىرعىزستاندا كوممۋنالدىق قىزمەتتەرگە كەتەتٸن ايلىق شىعىن 21,4 مىڭ تەڭگە, تەجٸكستاندا 23,9 مىڭ تەڭگە, قىتايدا 24,7 مىڭ تەڭگە, بەلارۋستە 27,8 مىڭ تەڭگە, ال ٶزبەكستاندا 29,6 مىڭ تەڭگە بولعان.
بٸرقاتار ەلدە كوممۋنالدىق تٶلەمدەر قازاقستاننان قىمبات
كەيبٸر مەملەكەتتەردە كوممۋنالدىق قىزمەتتەردٸڭ قۇنى قازاقستانداعىدان جوعارى. مەسەلەن, تٷركييادا اي سايىنعى تٶلەم ورتا ەسەپپەن 34,5 مىڭ تەڭگەنٸ, گرۋزييادا 35,8 مىڭ تەڭگەنٸ, برازيلييادا 38,2 مىڭ تەڭگەنٸ, ۋكراينادا 43,3 مىڭ تەڭگەنٸ قۇراعان.
وڭتٷستٸك افريكا رەسپۋبليكاسىندا بۇل كٶرسەتكٸش 59,4 مىڭ تەڭگەگە, رەسەيدە 62,8 مىڭ تەڭگەگە, جاپونييادا 69,4 مىڭ تەڭگەگە جەتكەن. دەمەك, رەسەي تۇرعىندارى نەگٸزگٸ كوممۋنالدىق قىزمەتتەر ٷشٸن قازاقستاندىقتارعا قاراعاندا ورتا ەسەپپەن ەكٸ ەسە كٶپ تٶلەيدٸ.
وڭتٷستٸك كورەيادا كوممۋنالدىق قىزمەتتەردٸڭ ايلىق قۇنى 93,2 مىڭ تەڭگە بولسا, اقش-تا 98,1 مىڭ تەڭگەگە جەتكەن. مولدوۆادا بۇل سوما 99,9 مىڭ تەڭگەنٸ قۇراسا, يتالييادا 102,7 مىڭ تەڭگەدەن اسقان.
كوممۋنالدىق تٶلەم ەڭ قىمبات ەلدەر
سالىستىرۋعا الىنعان مەملەكەتتەر اراسىندا ەڭ جوعارى كٶرسەتكٸش ۇلىبريتانييا مەن گەرمانييادا تٸركەلگەن. ۇلىبريتانييا تۇرعىندارى نەگٸزگٸ كوممۋنالدىق قىزمەتتەر ٷشٸن ايىنا ورتا ەسەپپەن 144,3 مىڭ تەڭگە تٶلەسە, گەرمانييادا بۇل سوما 154,7 مىڭ تەڭگەگە جەتكەن.
وسىلايشا, قازاقستانداعى كوممۋنالدىق قىزمەتتەردٸڭ قۇنى سالىستىرىلعان 19 ەلدٸڭ بٸرقاتارىنان تٶمەن بولعانىمەن, قىرعىزستان, قىتاي جەنە ٶزبەكستان سيياقتى مەملەكەتتەردەگٸ كٶرسەتكٸشتەن جوعارى.
