Qazaqstandaǵy kommýnaldyq qyzmetterdiń quny Qytaiǵa qaraǵanda joǵary, al Reseimen salystyrǵanda eki ese tómen, dep habarlaidy dalanews.kz.
2026 jylǵy qazan aiynyń basyndaǵy málimet boiynsha, Qazaqstanda aýdany 85 sharshy metr páterdiń negizgi kommýnaldyq qyzmetterine (elektr energiiasy, jylytý, sý jáne qoqys shyǵarý) aiyna orta eseppen 31,1 myń teńge jumsalady, dep jazady LS basylymy.
Basqa eldermen salystyrǵanda, Úndistanda dál osyndai qyzmetter úshin aiyna 16,7 myń teńge tólenedi. Bul Qazaqstandaǵy kórsetkishten 1,9 ese az. Sondai-aq Qyrǵyzstanda kommýnaldyq qyzmetterge ketetin ailyq shyǵyn 21,4 myń teńge, Tájikstanda 23,9 myń teńge, Qytaida 24,7 myń teńge, Belarýste 27,8 myń teńge, al Ózbekstanda 29,6 myń teńge bolǵan.
Birqatar elde kommýnaldyq tólemder Qazaqstannan qymbat
Keibir memleketterde kommýnaldyq qyzmetterdiń quny Qazaqstandaǵydan joǵary. Máselen, Túrkiiada ai saiynǵy tólem orta eseppen 34,5 myń teńgeni, Grýziiada 35,8 myń teńgeni, Braziliiada 38,2 myń teńgeni, Ýkrainada 43,3 myń teńgeni quraǵan.
Ońtústik Afrika Respýblikasynda bul kórsetkish 59,4 myń teńgege, Reseide 62,8 myń teńgege, Japoniiada 69,4 myń teńgege jetken. Demek, Resei turǵyndary negizgi kommýnaldyq qyzmetter úshin qazaqstandyqtarǵa qaraǵanda orta eseppen eki ese kóp tóleidi.
Ońtústik Koreiada kommýnaldyq qyzmetterdiń ailyq quny 93,2 myń teńge bolsa, AQSh-ta 98,1 myń teńgege jetken. Moldovada bul soma 99,9 myń teńgeni qurasa, Italiiada 102,7 myń teńgeden asqan.
Kommýnaldyq tólem eń qymbat elder
Salystyrýǵa alynǵan memleketter arasynda eń joǵary kórsetkish Ulybritaniia men Germaniiada tirkelgen. Ulybritaniia turǵyndary negizgi kommýnaldyq qyzmetter úshin aiyna orta eseppen 144,3 myń teńge tólese, Germaniiada bul soma 154,7 myń teńgege jetken.
Osylaisha, Qazaqstandaǵy kommýnaldyq qyzmetterdiń quny salystyrylǵan 19 eldiń birqatarynan tómen bolǵanymen, Qyrǵyzstan, Qytai jáne Ózbekstan siiaqty memleketterdegi kórsetkishten joǵary.
