2018 jyldyń 26-27 qazan kúnderi Maqtaral aýdanynyń 90 jyldyq mereı toıynyń qarsańynda
«Maqtaral – uly bıler ulaǵatynyń qut mekeni» taqyrybymen is-sharalar legi josparlanýda.
Aýdandyq baspasóz qyzmetiniń habarlaýynsha jergilikti ákimdik osynaý sharaǵa qyzý daıyndyq júrgizýde.
Atap aıtsaq 26-qazanda aýdandaǵy Atakent kentindegi «Alpamys batyr» atyndaǵy ortalyq stadıonda babalar rýhyn eske alýǵa arnalǵan fýtboldan ótetin jarystyń shymyldyǵy túriledi.
Budan bólek dál sol kúni Atakent kentindegi «Dostyq» mádenıet úıinde aqyndar men dástúrli ánshiler án-jyrdan shashý shashpaq.
Al 27-shi qazanda Jetisaı qalasynyń «Jeńis» ortalyq alańyndaǵy qazaqtyń úsh bıi eskertkishine gúl shoqtaryn qoıý rásimi ótedi.
90 jyldyń torqaly toıdyń aıasynda Atakent kentindegi «Dostyq» mádenıet úıinde «Maqtaral – uly bıler ulaǵatynyń qut mekeni» taqyrybynda ótetin konferensıaǵa qatysyp, osynda kóterilgen mazmundy, maǵynaly taqyryptardy tyńdaı alasyz.
Artynsha «Alpamys batyr» atyndaǵy stadıonnyń jazǵy demalys alańynda kezekti konserttik baǵdarlama ótedi.
Aıta ketelik, is-sharalarǵa ótkizýge respýblıkalyq «Áıteke bı» qoǵamdyq qory muryndyq boldy.
