ماقتاارالدا سۋ تاسقىنى جاعدايىنىڭ الدىن الۋ بويىنشا جيىن ٶتتٸ
جيىندا بٸرٸنشٸ بولسىپ سٶز العان «قازسۋشار» رمك ماقتاارال بٶلٸمشەسٸنٸڭ باسشىسى ش.وماروۆ كەڭ كٶلەمدە بايانداما جاسادى.
– ماقتاارال اۋدانى اۋماعىنان ٶتەتٸن «دوستىق» ماگيسترالدى كانالىنان اعىندى سۋلاردى نەگٸزگٸ كانالداردىڭ گيدروتەحنيكالىق يماراتتار ارقىلى اپاتسىز ٶتكٸزۋ, سۋ شارۋاشىلىعى يماراتتارىندا اپاتتى جاعدايلاردىڭ الدىن الۋ ٸس-شارالارى جٷرگٸزٸلۋدە. «دوستىق» كانالى بٶلٸگٸنەن اعىن سۋلاردى اپاتسىز جەنە قاۋٸپسٸز ٶتكٸزۋ, سۋ باسۋ قاۋپٸ مٷمكٸن ەلدٸ مەكەندەر اۋماعىندا, سۋ شارۋاشىلىعى نىساندارىندا ولاردىڭ الدىن الۋ ٷشٸن باقىلاۋ بەكەتتەرٸن ۇيىمداستىرۋ بويىنشا جاۋاپتى ماماندار بەكٸتٸلٸپ, كەزەكشٸلٸك ۇيىمداستىرىلۋدا. كانالدىڭ ٶندٸرٸستٸك شتاتىندا 56 ادام قىزمەت اتقارىپ, 4 بٶلٸمدە ديسپەچەرلٸك كەزەكشٸلٸك جٷرگٸزٸلۋدە. بيىلعى جىلعا «دوستىق» كانالىنا رەسپۋبليكالىق بيۋدجەتتەن قۇرىلىس جٶندەۋ جۇمىستارىنا 38 ملن. تەڭگە جۇمسالىپ, 24,5 شاقىرىم سۋ ارنالارى مەحانيكالىق تازالاۋدان ٶتٸپ, گيدروتەحنيكالىق قۇرىلىمدار مەن دامبالار جٶندەۋدەن ٶتكٸزٸلدٸ, – دەدٸ ش.وماروۆ.
جيىن بارىسىندا سٶز العان اۋىل شارۋاشىلىعى بٶلٸمٸنٸڭ باسشىسى ۋ.مىرزامدانوۆ ەگٸستٸك القاپتاردى قىسقى سور شايۋ كەزەڭٸندە شارۋالار ەسكەرۋٸ تيٸس ارنايى ەرەجەلەردٸ اتاپ ٶتتٸ. ونىڭ ايتۋىنشا ەگٸستٸك القاپتاردى سور شايۋ كەزەڭٸندە پال الۋدى دۇرىس ۇيىمداستىرىپ, سۋدىڭ بەرٸلۋ مٶلشەرٸن قاتاڭ قاداعالاسا – ەشقانداي ولقىلىق ورىن المايدى ەكەن.
مەجٸلٸستٸ قورىتىندىلاعان اۋدان ەكٸمٸنٸڭ ورىنباسارى ب.تٶرەبەكوۆ سۋ تاسقىنى جاعدايىنىڭ الدىن الۋ بويىنشا جۇمىستاردى توقتاتپاۋ كەرەكتٸگٸن ايتىپ, تيٸستٸ مەكەمە باسشىلارىنا ناقتى تاپسىرمالار بەردٸ.
ايتا كەتەيٸك, ماقتاارال اۋدانىندا قىس-كٶكتەم ايلارىنداعى سۋ تاسقىنى جاعدايىنا قارسى تيٸستٸ اپاتتىق ماتەريالدار قورى قۇرىلعان. سۋ شارۋاشىلىعى نىساندارىنىڭ تەحنيكالىق جاي كٷيٸنە, سۋ ارنالارىنىڭ جاعدايىنا زەرتتەۋلەر جٷرگٸزٸلٸپ, تيٸستٸ جۇمىستار جاسالعان.
ماقتاارال اۋدانى ەكٸمٸنٸڭ باسپاسٶز قىزمەتٸ
