ماقساتىمىز – جالپىۇلتتىق بٸرلٸكتٸ نىعايتۋ
جالپى, كٶپۇلتتى مەملەكەت جاعدايىنداعى بٸرەگەيلٸكتٸ ساقتاۋ ٷشٸن, جاس ۇرپاقتى ەتنومەدەني بٸرلەستٸكتەردٸڭ قىزمەتٸ سالالارىنا تارتۋدىڭ ماڭىزى زور. قازٸر الماتى وبلىسىنداعى قازاقستان حالقى اسسامبلەياسىنىڭ مٷشەلەرٸ ٶمٸرگە قۇشتار, ٶزدەرٸن قازاقستاندىق رەتٸندە سەزٸنٸپ, جٷرەگٸ قۋانىش پەن نۇرعا بٶلەنگەن جاستاردىڭ شوعىرى قالىپتاسقانىن اتاپ ايتقىم كەلەدٸ.
ٶز باسىم 2017 جىلدان بەرٸ تالدىقورعان قالاسىنداعى «تۋعان تٸل» تاتار-مەدەني ورتالىعىنىڭ جەتەكشٸسٸمٸن. سونىمەن قاتار «جاڭعىرۋ جولى» رەسپۋبليكالىق جاستار قوزعالىسى ايماقتىق شتابىنىڭ تٶرايىمى مٸندەتٸن ابىرويمەن اتقارىپ كەلە جاتقانىمدى ماقتانىشپەن ايتا الامىن. ماعان اسسامبلەيادا جۇمىس ٸستەگەن ۇنايدى. بٷگٸندە ەتنومەدەني ورتالىق قىزمەتكەرٸ, باسشىسى دەگەن ماماندىققا دايىندايتىن ارنايى وقۋ ورنى جوق. بۇل جۇمىسقا ەربٸر ازامات جٷرەك قالاۋىمەن كەلەدٸ. مەن ەكٸ بٸردەي ماماندىق يەسٸ بولا تۇرا, قوعامدىق نەگٸزدە جۇمىس ٸستەۋگە ٶز ەركٸممەن كەلدٸم. ماعان جاستارمەن جۇمىس ٸستەگەن, ولاردىڭ بويىندا ادامگەرشٸلٸك قاسيەتتەردٸ تەرەڭ سٸڭٸرۋ ٷشٸن قايىرىمدىلىق شارالار ۇيىمداستىرعان ٶتە ۇنايدى. سونداي-اق مەنٸڭ مەملەكەتتٸك تٸلدٸ ەركٸن بٸلۋٸم جۇمىس بارىسىندا كٶپ كٶمەگٸن تيگٸزەدٸ. نەگٸزٸ, ەكٸ جوعارى بٸلٸمدٸ دە ورىس تٸلٸندە العانمىن. بٸراق ٷيدە قازاق تٸلٸندە سٶيلەسەمٸز, دوس-قۇربىلارىم دا قازاقشا سٶيلەيدٸ.
قىرعىز حالقىنىڭ زاڭعار جازۋشىسى شىڭعىس ايتماتوۆتىڭ: «حالىقتىڭ مەڭگٸ عۇمىرى – تٸلٸندە. ەربٸر تٸل حالقى ٷشٸن – ۇلى» دەگەن ۇلاعاتتى سٶزٸ بار. مەن ٷشٸن مەنٸڭ وتانىمنىڭ تٸلٸ – ۇلى. ۇلى تٸلٸمٸزدٸ كٶزٸمٸزدٸڭ قاراشىعىنداي ساقتاۋ بٸزدٸڭ ازاماتتىق مٸندەتٸمٸز.
وسىدان بٸرەر جىل بۇرىن جولىم تٷسٸپ, تاتارستانعا ٸسساپارمەن باردىم. جولعا شىعار الدىندا تاريحي وتانىما تابان تٸرەۋ قانداي ەسەر قالدىرار ەكەن دەپ تولقىپ جٷردٸم. الايدا 10 كٷن قازاقستاندى ساعىنىپ, ەرەڭ شىدادىم. قاشان كەتەر-كەتكەنشە اسىقتىم. كٷن سايىن ەلمەن, ٷيمەن, دوستارىممەن حابارلاسىپ, ساعىنىشىمدى باسۋعا تىرىستىم. قايتار كٷنٸ ۇشاققا كٸرٸپ كەلگەنٸمدە ستيۋاردەسسا قىزدار «سەلەمەتسٸز بە» دەپ امانداسقاندا, قۋانعانىمنان «سەلەمەتسٸز بە» دەپ داۋىستاپ جٸبەرٸپپٸن. ەلگە ورالعاندا كٶزٸمە جاس كەلٸپ, جىلاپ جٸبەردٸم. تۋعان جەردٸڭ قادٸرٸن سىرتقا شىققاندا قاتتى تٷسٸنەدٸ ەكەنسٸڭ. قۇدايعا شٷكٸر, بٸز باقىتتى ۇرپاقپىز. ٶيتكەنٸ سوعىس كٶرگەن جوقپىز. بۇل بٸزدٸڭ باستى جەتٸستٸگٸمٸز دەپ بٸلەمٸن.
«جاڭعىرۋ جولى» رەسپۋبليكالىق جاستار قوزعالىسى جۇمىسىنا الماتى وبلىسىنداعى اۋدان, قالا جاستارى بەلسەندٸ تٷردە قاتىسىپ كەلەدٸ. قوزعالىستىڭ ماقساتى – ەلٸمٸزدەگٸ قوعامدىق كەلٸسٸم مەن جالپىۇلتتىق بٸرلٸكتٸ نىعايتۋ جۇمىستارىندا جاستاردى بٸرٸكتٸرۋ. سونىمەن قاتار «رۋحاني جاڭعىرۋ» باعدارلاماسىن جٷزەگە اسىرۋدا بٸرلەسٸپ جۇمىس ٸستەۋ, الماتى وبلىسىنىڭ الىس اۋداندارىنداعى جاستار قوزعالىسىمەن بٸرٸگٸپ جۇمىس ٸستەۋ جەنە ولاردى قوزعالىستىڭ ماقساتىمەن تانىستىرۋ.
ويعا العان جوسپارىمىزدى جٷزەگە اسىرۋ ٷشٸن بارلىعىمىز بٸرلەسٸپ ەڭبەك ەتٸپ, ورتاق ماقساتتى جٷزەگە اسىرۋعا كٷش سالىپ كەلەمٸز.
«جاڭعىرۋ جولى» ايماقتىق جاستار قوزعالىسىنىڭ ۇيىمداستىرۋىمەن دوستىق ٷيٸنٸڭ الاڭىندا العاشقى جيىن ٶتكٸزدٸك. سونىمەن قاتار جەڭٸس ساياباعىندا وبلىس ورتالىعىنىڭ بٸلٸمگەرلەرٸنٸڭ قاتىسۋىمەن «تازا ساياباق – تازا قالا» ٸس-شاراسى ٶتتٸ. وسىلايشا, بٸزدٸڭ قوزعالىس جەتٸسۋ جەرٸندە جاستاردىڭ بويىندا ەكولوگييالىق جاۋاپكەرشٸلٸكتٸڭ ەرتە باستان قالىپتاسۋىنا كٷش سالعانىمىزدى ماقتانىشپەن ايتا الامىن.
ايتا كەتۋ كەرەك, جوسپارىمىزدىڭ كٶپشٸلٸگٸ ادامگەرشٸلٸككە, وتانسٷيگٸشتٸككە جەنە رۋحاني تەربيەگە باعىتتالعان. وسى باعىتتا لەكتسييالار, سەمينارلار, دٶڭگەلەك ٷستەلدەر, تيمبيلدينگتەر, كەزدەسۋلەردٸ جيٸ ۇيىمداستىرامىز.
الماتى وبلىستىق قازاقستان حالقى اسسامبلەياسىنىڭ جوسپارىنا سەيكەس,«جۇلدىزى جارقىراعان – جەتٸسۋ» وبلىستىق فورۋمىن ۇيىمداستىرىپ, جاستاردىڭ بويىنا وتانشىلدىق قاسيەتتٸ سٸڭٸرۋگە تىرىستىق.
فورۋمعا الماتى وبلىستىق قازاقستان حالقى اسسامبلەياسى, الماتى وبلىستىق قحا مٷشەلەرٸ, «دوستىق ٷيٸ – قوعامدىق كەلٸسٸم ورتالىعىنىڭ» قىزمەتكەرلەرٸ, وبلىستىق, اۋدان-قالالىق قوعامدىق كەلٸسٸم, انالار كەڭەسٸ, «ۇلاعات» ارداگەرلەر كەڭەسٸ, جەتەكشٸ جۋرناليستەر مەن ساراپشىلار كلۋبى, عىلىمي-ساراپشى توپ, ەتنومەدەني بٸرلەستٸكتەر تٶراعالارى مەن بەلسەندٸلەرٸ, ستۋدەنتتٸك اسسامبلەيا, بٸلٸمگەرلەر, قالا تۇرعىندارى جەنە باق ٶكٸلدەرٸ بەلسەنە قاتىسقان بولاتىن. وسىلايشا, بٸزدٸڭ قوزعالىس الماتى وبلىسىنداعى ٶزگە دە ۇيىمدارمەن تٸزە قوسىپ جۇمىس ٸستەپ, ٶڭٸردەگٸ ۇلتارالىق تاتۋلىقتى نىعايتۋعا كٷش سالۋدا. الداعى ۋاقىتتا دا وسى باعىتتاعى جۇمىستارىمىزدى دامىتىپ, قازاقستاننىڭ ٶسٸپ-ٶركەندەۋٸنە ٶز ٷلەسٸمٸزدٸ قوساتىن بولامىز.
رۋفينا ۋسانوۆا, الماتى وبلىستىق «تۋعان تٸل» تاتار-مەدەني ورتالىعىنىڭ جەتەكشٸسٸ, «جاڭعىرۋ جولى» رەسپۋبليكالىق جاستار قوزعالىسى ايماقتىق شتابىنىڭ تٶرايىمى
