بۇگىن ماڭعىستاۋ وبلىسى ورتالىق كوممۋنيكاسيالار قىزمەتىندە وتكەن بريفينگتە وبلىس اكىمى نۇرلان نوعايەۆ ماڭعىستاۋ وبلىسى 2023 جىلى 320 مىڭنان استام تۋريست قابىلداۋدى جوسپارلاپ وتىرعانىن ايتتى، – دەپ حابارلايدى Dalanews.kz.

2022 جىلى ماڭعىستاۋ وبلىسىنا شەتەلدەن جانە ەل وڭىرلەرىنەن 310 مىڭنان استام تۋريست كەلگەن. بۇل 2021 جىلمەن سالىستىرعاندا 6%-عا كوپ. وڭىردە تۋريزم سالاسىندا كورسەتىلگەن قىزمەتتەر كولەمى 11،5 ملرد تەڭگەنى قۇراعان (ءوسىم – 1،6 ەسە).

ءوڭىردىڭ تۋريستىك سالاسىن دامىتۋدىڭ ماڭىزى جىل وتكەن سايىن ارتىپ كەلەدى. مۇنى سالاداعى وڭ ديناميكادان دا كورۋگە بولادى.

ءتۋريزمنىڭ دامۋى كولىك ينفراقۇرىلىمىنا تىكەلەي بايلانىستى. تۋريستەردىڭ اۋە كولىگىمەن كەلۋىنە بارلىق جاعداي جاسالعان. بۇگىندە ۇكىمەتتىڭ قولداۋىمەن ۇشاقتار حالىقارالىق جانە ىشكى باعىتتار بويىنشا 24 باعىتتا اپتاسىنا 110 اۋە رەيسىن، ونىڭ ىشىندە الىس جانە جاقىن شەت ەلدەرگە 16 باعىتتا 45 اۋە رەيسىن جاسايدى.

جىل باسىنان بەرى «اقتاۋ حالىقارالىق اۋەجايىمەن» تاسىمالدانعان جولاۋشىلار سانى 2022 جىلدىڭ سايكەس كەزەڭىمەن سالىستىرعاندا 14%-عا ارتىپ، 407 490 جولاۋشىعا جەتتى.

ماسەلەن، كۋرورتتىق ايماقتاردى دامىتۋ اياسىندا 2022 جىلى جەرگىلىكتى ينۆەستورلار 4 جوبانى ىسكە اسىرعان. ناتيجەسىندە 1،1 ملرد تەڭگەدەن استام ينۆەستيسيا تارتا وتىرىپ، 80-نەن استام جاڭا جۇمىس ورنى قۇرىلعان.

1. «نەفتەماش» كز» «سارتاس» كەلۋشىلەر ورتالىعىن سالۋ


2. «فلامينگو كۋرورتى» دەمالىس بازاسى («فلامينگو» ج ش س)


3. گلامپينگ Teniz Village («Techno west ltd» ج ش س)


4. «AURA» دەمالىس بازاسى («الەكا» ج ش س)

– 2023 جىلى 210 جۇمىس ورنىن قۇرۋمەن 6 ينۆەستيسيالىق جوبانى ىسكە اسىرۋ جوسپارلانۋدا، جالپى قۇنى – 100 ملرد تەڭگە. بۇل جوبالاردىڭ بارلىعى ءوڭىر ەكونوميكاسىن دامىتۋ ءۇشىن وڭ مۋلتيپليكاتيۆتى اسەر ەتەدى، – دەدى وبلىس اكىمى نۇرلان نوعايەۆ.