ماڭعىستاۋ وبلىسى مۇنايلى اۋدانى باسقۇدىق اۋىلىنداعى "جٸبەك جولى" بالاباقشاسىندا تەربيەشٸ 1,5 جاسار بالانىڭ قولىن بۇراپ جاراقاتتاعان. اتا-انانىڭ شاعىمىنان كەيٸن كوميسسييا قۇرىلىپ, تەكسەرٸس نەتيجەسٸندە تەربيەشٸ مەن كٷتۋشٸ قىزمەتٸنەن بوساتىلدى, دەپ حابارلايدى Dalanews.kz.
تەربيەشٸگە قر ەقبتك-نٸڭ 127-بابى بويىنشا 10 اەك (39 320 تەڭگە) كٶلەمٸندە ايىپپۇل سالىندى. بٷلدٸرشٸن باسقا بالاباقشاعا اۋىستىرىلدى, ال وقيعاعا قاتىستى ماتەريالدار قۇزىرلى ورگاندارعا جولداندى.
ەسكە سالايىق, بۇعان دەيٸن ماڭعىستاۋ وبلىسىندا ورنالاسقان جەكە مەنشٸك بالاباقشالاردىڭ بٸرٸندە تەربيەشٸ بٸر جاسار بٷلدٸرشٸندٸ جۇلقىپ كٶتەرگەننەن, قولىن شىعارىپ العانى تۋرالى جازعان ەدٸك.
وقيعادان كەيٸن العاشقى مەديتسينالىق كٶمەك كٶرسەتٸلمەگەن. ال اتا-اناسى بالاسىنىڭ جاراقات العانىن ٷيگە كەلگەن سوڭ اڭعارعان.
بەينەباقىلاۋ جازبالارىنان تەربيەشٸنٸڭ قىزدى تىنىش وتىرعان جەرٸنەن جۇلقىلاپ, ورىندىققا وتىرعىزعانى كٶرٸنەدٸ. الايدا بالا سول سەتتە جىلاماعان. تەك كەشكٸسٸن ٷيٸندە قولىنىڭ اۋىراتىنىن ايتىپ, اتا-اناسىنا شاعىمدانعان.
بۇعان قوسا, بەينەجازبانى ساراپتاۋ بارىسىندا تەربيەشٸنٸڭ گيگيەنالىق تالاپتاردى ٶرەسكەل بۇزعانى انىقتالدى. ول بٸر قاسىقپەن بٸرنەشە بالاعا سورپا بەرگەن, ياعني اسحانا تازالىعى ساقتالماعان. وسى ولقىلىقتاردان كەيٸن تەربيەشٸنٸڭ كٶمەكشٸسٸ دە جۇمىستان شەتتەتٸلدٸ.
ال بالاباقشا باسشىسىنىڭ ايتۋىنشا, بۇل كەزدەيسوق بولعان جايت.
“ۆيدەودا تەربيەشٸنٸڭ تەك بالانى كٶتەرٸپ, ورنىنا وتىرعىزعانى عانا كٶرٸنەدٸ. قۇزىرلى ورگاندار دا كادرلاردى قاراپ شىقتى, مۇندا قاساقانا زورلىق-زومبىلىق جوق. ال تاماق بەرۋ مەسەلەسٸنە كەلسەك, قىزمەتكەر ىدىس-اياقتى جۋۋدى جەڭٸلدەتۋ ٷشٸن وسىلاي جاساعان", - دەيدٸ راۋشان اياپبەرگەنوۆا.
