ماڭعىستاۋ وبلىسىنىڭ توبىقتى جەرٸندە بەكەت اتا مىرزاعۇلۇلىنىڭ 275 جىلدىعى مەن ونىڭ رۋحاني ۇستازى شوپان اتانىڭ رۋحىنا ارنالعان بٸرقاتار شارا ۇيىمداستىرىلدى. ەكٸ كٷنگە جالعاسقان اۋقىمدى مەرەيتويعا ەلٸمٸزدٸڭ تٷكپٸر-تٷكپٸرٸنەن جەنە الىس-جاقىن شەتەلدەن 10 مىڭنان استام قوناق جينالدى, دەپ حابارلايدى Dalanews.kz.
مەملەكەت باسشىسى قاسىم-جومارت توقاەۆ مەرەيتويعا قۇتتىقتاۋ جەدەلحاتىن جولداپ, بەكەت اتانىڭ ەل رۋحانيياتىنداعى ورنىنا توقتالدى. پرەزيدەنتتٸڭ قۇتتىقتاۋىن ايماق باسشىسى نۇردەۋلەت قيلىباي وقىپ بەردٸ.
– بەكەت مىرزاعۇلۇلى – ەلٸنە تۇتقا, جۇرتىنا پانا بولعان تۇعىرلى تۇلعالارىمىزدىڭ بٸرٸ. ول بٷكٸل عۇمىرىن حالقىنىڭ دٷنيەتانىمىن بايىتۋعا ارناپ, اعارتۋشىلىقپەن اينالىستى. سانالى ۇرپاق تەربيەلەۋگە ايرىقشا مەن بەرٸپ, مەيٸرٸمدٸلٸك, جاناشىرلىق, تاتۋلىق, بٸرلٸك, ەدٸلدٸك سيياقتى بارشا ادامزاتقا ورتاق قۇندىلىقتاردى دەرٸپتەدٸ. بەكەت اتا كٷللٸ قازاققا جەنە باۋىرلاس ەلدەرگە عۇلاما ويشىل, اتى اڭىزعا اينالعان ەۋليە رەتٸندە تانىلدى. بٷگٸندە ماڭعىستاۋ ٶڭٸرٸندەگٸ جەراستى مەشٸتتەرٸ قۇلشىلىق ورنى, بٸلٸم ورداسى ەرٸ ەرەكشە سەۋلەت ٶنەرٸنٸڭ تۋىندىسى رەتٸندە تانىمال. مەنٸڭ تاپسىرماممەن, وعىلاندىداعى جەراستى مەشٸتٸن جەنە وسى ايماقتاعى باسقا دا تاريحي نىسانداردى يۋنەسكو-نىڭ بٷكٸلەلەمدٸك مۇرالار تٸزٸمٸنە قوسۋ ٷشٸن ناقتى جۇمىس اتقارىلىپ جاتىر. جۇرتىن ٸزگٸلٸككە ٷندەگەن ابىزدىڭ بولمىسىن بيٸكتەتە تٷسەتٸن مەدەني-رۋحاني قۇندىلىقتار ۇلتىمىزدىڭ باعا جەتپەس بايلىعى سانالادى. ونى ساقتاپ, ۇرپاققا ميراس ەتۋ – پارىز. بارشاڭىزعا اماندىق, باق-بەرەكە تٸلەيمٸن, – دەلٸنگەن جەدەلحاتتا.
ٸس-شاراعا قازاقستان رەسپۋبليكاسى پارلامەنتٸنٸڭ دەپۋتاتتارى, زييالى قاۋىم ٶكٸلدەرٸ, قوعام جەنە مەدەنيەت قايراتكەرلەرٸ, جاستار, سونداي-اق ٶزگە دە قوناقتار قاتىستى.
مەرەيتوي اياسىندا شوپان اتا مەن بەكەت اتا مەشٸتٸنە زييارات جاسالدى. تاي جارىسى, الامان بەيگە, قازاق كٷرەسٸ, گٸر تاسىن كٶتەرۋ سەكٸلدٸ ۇلتتىق سپورت تٷرلەرٸنەن سايىستار ۇيىمداستىرىلدى. جٷزدەن استام كيٸز ٷي تٸگٸلٸپ, اس بەرٸلدٸ.
سونىمەن قاتار, شارا مازمۇنى تەرەڭ رۋحاني-مەدەني باعدارلامالارمەن جالعاستى. «ويتالقى» الاڭىندا بەلگٸلٸ تۇلعالار ەلدٸك پەن بٸرلٸك, رۋحاني ساباقتاستىق جايلى پايىمدارىمەن بٶلٸسسە, «ماڭعىستاۋ ماشايىقتىڭ باسقان جەرٸ» اتتى كونتسەرتتٸك باعدارلاما مەن «ەۋليەلەر ەۋەزٸ» دەستٷرلٸ ٶنەر كەشٸ كٶپشٸلٸككە رۋحاني ەسەر سىيلادى.
بارلىق مەرەيتويلىق ٸس-شارالار دەمەۋشٸلەردٸڭ قارجىسى ەسەبٸنەن ۇيىمداستىرىلدى.
