ولار تاقىر دالادا جەۋگە قىلتان تاپپاي ارام ٶلگەن مالدى كٶمٸپ نەمەسە ٶرتەپ ٷلگٸرمەي جاتقاندارىن ايتادى.
دالادا تەڭكيٸپ جاتقان ٶلەكسە جەتەرلٸك. تٸپتٸ, ٶرٸستەگٸ مالدىڭ بەرٸ سۋ ٸشەتٸن قۇدىقتىڭ اينالاسى دا قاڭقاعا تولى. شارۋالاردىڭ ەندٸگٸ ۋايىمى قولداعى تٸرٸ قالعانىن ساقتاپ قالۋ. الايدا, ولاردىڭ دا جاعدايى مەز ەمەس ەكەنٸن ايتادى.
"جەمگە تويىپ العاننان كەيٸن جٸلٸگٸندە ماي جوق قوي. تۇرا الماي جاتىر", – دەيدٸ شارۋالار.
كٶتەرەم بيەنٸ اياققا تۇرعىزامىن دەپ ەۋرە بولىپ جاتقان نۇربولات بىلتىرعى كٶكتەمنەن بەرٸ قاراي 27 باس جىلقىسىنان ايرىلىپتى. جايىلىمدا شٶپ قۋراپ كەتكەنٸ ازداي, جەمنٸڭ دە باعاسى شارىقتاپ تۇر ەكەن.
"20 كەلٸلٸك قوستانايدىڭ كەبەگٸن بٸز 2400 تەڭگەدەن جاڭاٶزەننەن ساتىپ الامىز. وسى كەبەك ٶزبەكستاندا 1500 تەڭگە تۇرادى. 1 جىل بۇرىن 1000 تەڭگە ەدٸ. قولدان كٶتەرٸپ جٸبەردٸ. جەم-شٶپتٸ ٶزبەكستانعا, باسقا جاققا ساتتىرماسا ەكەن دەيمٸز", – دەيدٸ شارۋا نۇربولات تەمٸرباەۆ.
بۇل ايماققا ٷكٸمەت تاراپىنان 2 ميلليارد تەڭگەگە جۋىق قارجى بٶلٸنگەن بولاتىن. شەنەۋنٸكتەر بۇل قاراجاتتىڭ 1 ميلليارد 100 ميلليونىن يگەردٸك دەپ وتىر. ياعني, ەربٸر انالىق باس ٷشٸن 9800 تەڭگەدەن تٶلەنگەن. قولىنا تٷسكەندٸ جىلقىسىنا بەرٸپ وتىرعان دوعدىرباي 31 بيەسٸ ٷشٸن تيەسٸلٸ تٶلەمدٸ الىپتى.
"ول اقشاعا كەشە 150 قاپشىق جەم الدىم. بولدى. كٷنٸنە 2 قاپشىقتان جەيدٸ. 30 كٷندە تاۋىسادى. ول نە بولادى? امال جوقتىقتان مىناداي قاربىز الامىز, قاۋىن الامىز. بۇل دا ەنشەيٸن كەلمەيدٸ, اقشاعا الاسىڭ. بۇل ماڭعىستاۋدا بولماعان جۇت. كٶزٸمدٸ اشقالى مالدا كەلە جاتىرمىن. مۇندايدى كٶرگەن جوقپىن", – دەيدٸ ول.
سۋدىڭ تۇنىعىن ٸشەتٸن جىلقىلار الىستاعى قۇدىققا جەتە المايتىن كٷيگە تٷسٸپ, اۋىل ٸرگەسٸندە جينالعان كەرٸز سۋىن ٸشٸپ جٷر ەكەن. شارۋالار سوڭعى 2 جىلدا ەربٸر 10 بيەنٸڭ جارتىسى قۇلىنداسا قۋانامىز دەيدٸ. مالى ٶسپەگەن سوڭ كەيبٸر ازاماتتار امالسىز باسقا قونىس ٸزدەۋگە مەجبٷر.
"مالدىڭ قامى ٷشٸن كٶشٸپ جاتقان جٸگٸتتەر جەتەدٸ. بيىل ەسٸرەسە كٶپ. اقتٶبە جاعىنا كٶشٸپ جاتىر, ورال جاعىنا كٶشٸپ جاتىر. ٶزٸ كٶشپەسە سول جاقتا اقشا تٶلەپ باقتىراتىن قىلىپ, مالىن كٶشٸرٸپ جاتىر", – دەيدٸ شارۋا ساعات قوسوۆ.
ٶرٸستەگٸ تٶرت تٷلٸگٸنٸڭ تٸلەۋٸن تٸلەگەندەردٸڭ بار ٷمٸتٸ سوڭعى ۋاقىتتا جيٸ تالقىلانىپ جاتقان جاساندى جاڭبىر جاۋعىزۋ ەدٸسٸ.
ەلەمنٸڭ كٶپ ەلٸندە قولدانىلىپ جٷرگەن مۇنداي قۇرىلعىنى جالداۋ قۇنى 500 ميلليون تەڭگە شاماسىندا. شەنەۋنٸكتەر "بۇل شىعىندى تٶلەيتٸن دەمەۋشٸلەر تابىلىپ تۇر" دەيدٸ.
تەك كەلٸسٸمگە قول قويسا بولدى, قىستا قاردى, جازدا جاڭبىردى جاۋدىرماقشى ەكەن.
"ولار "200 شاقىرىم راديۋستە" دەيدٸ. ياعني, ماڭعىستاۋ وبلىسىن تولىقتاي قامتيدى دەگەن سٶز. وسى جەردەن بەينەۋ اۋدانى 500 شاقىرىم. دەمەك تٷگەل وبلىستى قامتيدى. ولاردىڭ ايتۋى "ناقتى 2 كٷن جاۋدىرامىز, سٸز ايتىپ وتىرعانداي توقتاماي قالادى" دەگەن بولمايدى دەپ ۋەدەسٸن بەرٸپ وتىر", – دەيدٸ ماڭعىستاۋ وبلىسى اۋىلشارۋاشىلىعى باسقارماسىنىڭ باسشىسى سەرٸك قالدىعۇل.
بٸراق بۇل باستامادان بيىل ورىندالماۋى مٷمكٸن. وبلىستاعى جاۋاپتى ماماندار ول ٷشٸن قاجەتتٸ قاراجاتتى تاۋىپ, تٶلەگەن كٷننٸڭ ٶزٸندە قۇرىلعىنى قۇرۋ ٷشٸن 4 ايداي ۋاقىت كەرەك ەكەن. سوندىقتان ەرتە دەگەننٸڭ ٶزٸندە الداعى كٶكتەمسٸز جاساندى جاڭبىردى كٷتۋدٸڭ قاجەتٸ شامالى. شارۋالارعا سول كٶكتەمگە جەتۋ ۋايىم بولىپ وتىر.
https://www.youtube.com/watch?v=1NmeoCo4Sh8&list=PL_blKZJ1z0cCjIX34-SJRAdE1RZHtm9z8&index=9
