ە. قاراشوكەيەۆ «قازاگرو» حولدينگىنىڭ باسقارما ءتوراعاسى لاۋازىمىندا، سونداي-اق پرەزيدەنت اكىمشىلىگىندە، قارجى جانە اۋىل شارۋاشىلىعى مينيسترلىكتەرىندە ءتۇرلى قىزمەتتەردى اتقاردى.
بۇگىن ق ر پرەمەر-مينيسترى اسقار مامين ونى اۋىل شارۋاشىلىعى مينيسترلىگىنىڭ ۇجىمىنا تانىستىردى.
ەربول قاراشوكەيەۆ 1976 جىلى 26 قاراشادا تۋعان.
ءبىلىمى: 1997 ج. - ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن بىتىرگەن.
1999 ج. - زاماناۋي گۋمانيتارلىق ينستيتۋتتى ءتامامداعان.
ەڭبەك جولى:
- 2012-2013 جج. - «مۇناي-گاز ينجينيرينگ جانە اقپاراتتىق تەحنولوگيالارى قبتۋ ينستيتۋتى» ج ش س باس ديرەكتورى، «سامرۇك- قازىنا» ءۇاق.
- 2013-2016 جج. -«قازاقستان تۇرعىن ءۇي قۇرىلىس جيناق بانكى» اق باسقارما ءتوراعاسىنىڭ ورىنباسارى.
- 2016 جىلدىڭ قاڭتارى – 2019 قاڭتارى ارالىعىندا - ق ر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى.
- 2019 جىلدىڭ ءقاڭتار-ساۋىرى - قارجى مينيسترلىگى قازىناشىلىق كوميتەتىنىڭ ءتوراعاسى.
- 2019 جىلدىڭ 4 ساۋىرىنەن - «قازاگرو»حولدينگ» اق باسقارما ءتوراعاسى.
بۇعان دەيىن Dalanews.kz پرەزيدەنت قاسىم-جومارت توقايەۆتىڭ اۋىل شارۋاشىلىعى ءمينيسترى ساپارحان وماروۆتى قىزمەتىنەن بوساتقانىن حابارلاعان.
ۇكىمەتتىڭ كەڭەيتىلگەن وتىرىسىندا قاسىم-جومارت توقايەۆ اۋىل شارۋاشىلىعى ءمينيسترى وتستاۆكاعا كەتۋى قاجەتتىگىن ايتتى.
"جۇيەلى ءارى ناقتى جۇمىس اتقارىلماعان. سونىڭ كەسىرىنەن شارۋالارىمىز تىعىرىققا تىرەلىپ وتىر. ناقتى ىس-ارەكەت پەن كەرى بايلانىس جوق. سوندىقتان فەرمەرلەر كومەك سۇراپ، تىكەلەي ماعان ءوتىنىش ايتىپ جاتىر. ارينە، قۋاڭشىلىق – تابيعي جاعداي. مۇنى جاقسى تۇسىنەمىن. دەگەنمەن بۇل ماسەلەنىڭ ءبىر جاعى عانا. ەڭ باستىسى وسىنداي كۇردەلى كەزەڭدە ءتيىستى مينيسترلىك شۇعىل جانە باتىل شەشىمدەر قابىلداۋى قاجەت ەدى"، - دەپ اتاپ ءوتتى پرەزيدەنت.
