E. Qarashókeev «QazAgro» holdıńiniń basqarma tóraǵasy laýazymynda, sondaı-aq Prezıdent Ákimshiliginde, Qarjy jáne Aýyl sharýashylyǵy mınıstrlikterinde túrli qyzmetterdi atqardy.
Búgin QR Premer-Mınıstri Asqar Mamın ony Aýyl sharýashylyǵy mınıstrliginiń ujymyna tanystyrdy.
Erbol Qarashókeev 1976 jyly 26 qarashada týǵan.
Bilimi: 1997 j. - Ál-Farabı atyndaǵy Qazaq memlekettik ulttyq ýnıversıtetin bitirgen.
1999 j. - Zamanaýı gýmanıtarlyq ınstıtýtty támamdaǵan.
Eńbek joly:
- 2012-2013 jj. - «Munaı-gaz ınjınırıń jáne aqparattyq tehnologıalary QBTÝ ınstıtýty» JSHS bas dırektory, «Samruk- Qazyna» UÁQ.
- 2013-2016 jj. -«Qazaqstan turǵyn úı qurylys jınaq banki» AQ basqarma tóraǵasynyń orynbasary.
- 2016 jyldyń qańtary – 2019 qańtary aralyǵynda - QR Prezıdenti Ákimshiliginiń áleýmettik-ekonomıkalyq monıtorıń bólimi meńgerýshisiniń orynbasary.
- 2019 jyldyń qańtar-sáýiri - Qarjy mınıstrligi Qazynashylyq komıtetiniń tóraǵasy.
- 2019 jyldyń 4 sáýirinen - «QazAgro»Holdıń» AQ basqarma tóraǵasy.
Buǵan deıin Dalanews.kz prezıdent Qasym-Jomart Toqaevtyń Aýyl sharýashylyǵy mınıstri Saparhan Omarovty qyzmetinen bosatqanyn habarlaǵan.
Úkimettiń keńeıtilgen otyrysynda Qasym-Jomart Toqaev aýyl sharýashylyǵy mınıstri otstavkaǵa ketýi qajettigin aıtty.
"Júıeli ári naqty jumys atqarylmaǵan. Sonyń kesirinen sharýalarymyz tyǵyryqqa tirelip otyr. Naqty is-áreket pen keri baılanys joq. Sondyqtan fermerler kómek surap, tikeleı maǵan ótinish aıtyp jatyr. Árıne, qýańshylyq – tabıǵı jaǵdaı. Muny jaqsy túsinemin. Degenmen bul máseleniń bir jaǵy ǵana. Eń bastysy osyndaı kúrdeli kezeńde tıisti mınıstrlik shuǵyl jáne batyl sheshimder qabyldaýy qajet edi", - dep atap ótti prezıdent.
