مامين 42 500-دٸ كٸمدەر الاتىنىن ايتتى
"مەملەكەت باسشىسىنىڭ تاپسىرماسى بويىنشا شەكتەۋ شارالارى كەزەڭٸندە تابىسىنان ايرىلۋى بويىنشا ەلەۋمەتتٸك جەردەماقى – ەڭ تٶمەنگٸ جالاقى مٶلشەرٸندەگٸ 42 500 تەڭگەنٸ بٸر ايعا تٶلەۋ تۋرالى شەشٸم قابىلداپ وتىرمىز. تٶلەم كارانتين شارالارىنىڭ كٷشەيتٸلۋٸنە بايلانىستى جۇمىسى شەكتەلگەن جۇمىس بەرۋشٸلەردٸڭ, جەكە كەسٸپكەرلەر مەن ٶزٸن-ٶزٸ جۇمىسپەن قامتىعانداردىڭ ٶتٸنٸمٸ نەگٸزٸندە جٷرگٸزٸلەدٸ", – دەدٸ ا. مامين.
ٷكٸمەت باسشىسى تٶتەنشە جاعداي كەزٸندەگٸدەي, ازاماتتاردىڭ جەكەلەگەن ساناتتارىنا (بۇل – 1 ميلليوننان استام ادام) ازىق-تٷلٸك ٶنٸمدەرٸن الۋعا اقشالاي كٶمەك بەرۋدٸ جالعاستىرۋدى, وسى جىلعى ٷشٸنشٸ توقسانعا اتاۋلى ەلەۋمەتتٸك كٶمەكتٸ تاعايىنداۋدى قولدا بار دەرەكتەر نەگٸزٸندە (128 مىڭعا جۋىق وتباسى) الدىن الا جٷرگٸزۋدٸ, سونداي-اق مٷگەدەكتٸگٸن قايتا كۋەلاندىرۋ مەرزٸمٸ كارانتين كەزەڭٸنە تاپ كەلگەن ادامداردىڭ (شامامەن 30 مىڭ ادام) مٷگەدەكتٸگٸن ٷش ايعا اۆتوماتتى تٷردە ۇزارتۋدى تاپسىردى.
