مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸندە بٸرٸنشٸ جارتىجىلدىقتا مەديتسينالىق ۇيىمدارعا تٶلەم جاسالعانعا دەيٸن 4 ملرد تەڭگەدەن استام نەگٸزسٸز شىعىن انىقتالعان, دەپ حابارلايدى dalanews.kz.
ٷكٸمەتتٸڭ مەلٸمەتٸنشە, 2026 جىلدىڭ العاشقى التى ايىندا وسمس جٷيەسٸندەگٸ انتيفرود-مەحانيزمدەر 4 ملرد تەڭگەدەن استام سوماداعى اقاۋلاردى تٶلەم جٷرگٸزٸلگەنگە دەيٸن انىقتاعان.
بۇعان دەيٸن مەديتسينالىق قىزمەتتەرگە قاتىستى تەكسەرۋلەر قاراجات مەديتسينالىق ۇيىمدارعا اۋدارىلعاننان كەيٸن جٷرگٸزٸلسە, ەندٸ باقىلاۋ تٶلەمگە دەيٸن جٷزەگە اسىرىلادى. ياعني كٷمەندٸ نەمەسە نەگٸزسٸز دەپ تانىلعان تٶلەمدەر قاراجات اۋدارىلماي تۇرىپ بۇعاتتالادى.
وسمس جٷيەسٸن رەفورمالاۋ اياسىندا مەديتسينالىق كٶمەكتٸ قارجىلاندىرۋدى باقىلاۋ پرەۆەنتيۆتٸ فورماتقا كٶشٸرٸلٸپ جاتىر. 2026 جىلعى قاڭتاردان باستاپ ەلەۋمەتتٸك مەديتسينالىق ساقتاندىرۋ قورى قارجى مينيسترلٸگٸنٸڭ قاراۋىنا بەرٸلدٸ.
اقپان ايىنان باستاپ جٷيەنٸ باسقارۋ مەن قارجىلاندىرۋدى تسيفرلاندىرۋعا باعىتتالعان رەفورما جٷرگٸزٸلۋدە. مەديتسينالىق كٶمەكتٸ جوسپارلاۋ مەن ساتىپ الۋدان باستاپ ونى باقىلاۋ جەنە تٶلەم جاساۋعا دەيٸنگٸ بٷكٸل قارجىلاندىرۋ تسيكلٸ Qalqan تسيفرلىق پلاتفورماسىنا كٶشٸرٸلٸپ جاتىر.
قازٸرگٸ ۋاقىتتا جٷيە 207 مەديتسينالىق ۇيىمنىڭ بازاسىندا پيلوتتىق رەجيمدە جۇمىس ٸستەپ تۇر. پلاتفورما ارقىلى مەديتسينالىق كٶمەكتٸڭ 92 تٷرٸنٸڭ 20 باعىتى بويىنشا تٶلەم جٷرگٸزٸلۋدە, ال تاعى 60 باعىت بويىنشا تەستٸلەۋ جٷرٸپ جاتىر.
ٷكٸمەتتٸڭ جوسپارىنا سەيكەس, جىل سوڭىنا دەيٸن مەديتسينالىق كٶمەكتٸڭ بارلىق مەلٸمدەلگەن تٷرٸن پلاتفورمانى ٶنەركەسٸپتٸك پايدالانۋعا تولىق كٶشٸرۋ كٶزدەلگەن.
وسىلايشا, جاڭا جٷيە مەديتسينالىق ۇيىمدارعا قاراجات اۋدارىلعاننان كەيٸن زاڭسىز نەمەسە نەگٸزسٸز تٶلەمدەردٸ ٸزدەۋدەن گٶرٸ, ولاردىڭ الدىن الا جولىن كەسۋگە باعىتتالماق.
