مالايزييانىڭ ٷكٸمەت باسشىسى انۆار يبراگيم 18-دەن اسقان بارلىق ەل ازاماتتارىنا كٶمەك اقشا تاراتىنىن جارييالاپ, جانار-جاعارماي باعاسىن تٷسٸرۋگە دە ۋەدە بەردٸ. سالىق پەن تاريفتەردٸ اياماي كٶتەرەمٸن دەپ حالىق نارازالىعىنا ۇشىراعان مۇنداعى بيلٸك بٷگٸندەرٸ جان-جاعىنا قارمانىپ, تىعىرىقتان شىعار امالدار ٸزدەۋدە, دەپ حابارلايدى Dalanews.kz.
وسى سەنبٸدە كۋالا-لۋمپۋردا ٷكٸمەتتٸڭ وتستاۆكاعا كەتۋٸن تالاپ ەتەتٸن ميتينگ ٶتپەك. بۇدان الدىن الا حاباردار ٷكٸمەت سەرسەنبٸدە 18 جاستان اسقان بارلىق مالايزييا ازاماتتارى 31 تامىزدان باستاپ 100 رينگگيت (760 بات نەمەسە 23,70 دوللار/12 800 تەڭگە) كٶلەمٸندە بٸر رەتتٸك تٶلەم الا باستايتىنىن مەلٸمدەدٸ, دەپ جازادى Bangkokpost.com.
تٸكەلەي ەفيردە انۆار يبراگيم 2025 جىلعى اقشالاي كٶمەكتٸڭ جالپى سوماسى 15 ميلليارد رينگگيتتٸ قۇرايتىنىن, بۇل سوما الدىندا بٶلٸنگەن 13 ميللياردتان ەلدەقايدا كٶپ ەكەنٸن دە باسا اتاپ ٶتتٸ.
انۆار ەكٸمشٸلٸگٸ بيىلعى جىلى كٸرٸستەر مەن ٶنٸمدٸلٸكتٸ ارتتىرۋ بويىنشا بٸرقاتار شارالار قابىلدادى, سونىڭ ٸشٸندە ەڭ تٶمەنگٸ جالاقى كٶلەمٸن ارتتىرۋ, ٸرٸ تۇتىنۋشىلار ٷشٸن ەلەكتر ەنەرگيياسىنىڭ تاريفتەرٸن ٶسٸرۋ جەنە ساۋدا-ساتتىق پەن قىزمەت كٶرسەتۋ سالىعىن دا كٶبەيتۋ قامتىلادى. پرەمەر-مينيستر بۇل شارالار, نەگٸزٸنەن, ٸرٸ بيزنەس پەن اۋقاتتى ادامدارعا باعىتتالعانىن ايتادى, دەگەنمەن ساراپشىلار قاۋىمى بۇل قىمباتشىلىق تۇتىنۋشىلاردىڭ, سونىڭ ٸشٸندە تابىسى تٶمەن جەنە ورتاشا توپتاعى ادامداردىڭ موينىنا قامىت بولىپ ٸلٸنەتٸنٸن ەسكەرتۋدە.
