فرانسيا پرەزيدەنتى ەممانيۋل ماكروننىڭ ايەلىنەن تاياق جەگەن ۆيدەوسى الەۋمەتتىك جەلىدە تارادى. ىڭعايسىز جايت ونىڭ ۆەتنامعا مەملەكەتتىك ساپارى كەزىندە ۇشاقتا بولعان، دەپ حابارلايدى Dalanews.kz.
جەلىدە تاراعان ۆيدەودان ۇشاق ەسىگى اشىلعان كەزدە ماكروننىڭ جاعىنان سالىپ جىبەرگەن ايەلدىڭ قولى كورىنەدى. سوعان قاراعاندا ۇشاق ەسىگى حاتتاما بويىنشا ەرتەرەك اشىلىپ قويعان سەكىلدى. سالدارىنان ەرلى-زايىپتىلار اراسىنداعى ىڭعايسىز جايت سىرتتا تۇرعان جۋرناليستەردىڭ كامەراسىنا ءتۇسىپ قالىپ، ىلە-شالا الەۋمەتتىك جەلىگە تاراپ كەتكەن.
رەسمي پاريج اتالعان جاعدايعا قاتىستى ءالى تۇسىنىكتەمە بەرمەدى.
ايتا كەتسەك، فرانسيا پرەزيدەنتىنىڭ ايەلى بريدجيت كۇيەۋىنەن 24 جاس ۇلكەن. ماكرون ايەلىمەن مەكتەپ جاسىندا تانىسقان، ياعني وعان 15 جاسىندا عاشىق بولعان. ول كەزدە باي بۋرجۋازيالىق وتباسىنان شىققان بريدجيت 39-دا بولىپتى. ول ماكرونعا فرانسۋز ءتىلى جانە ادەبيەتى پاندەرىنەن ساباق بەرگەن. ءۇش بالاسى بار، بانكيردىڭ ايەلى بولعان. 2006 جىلى بانكير كۇيەۋىمەن اجىراسىپ، ول ەممانيۋلعا كۇيەۋگە شىعادى. ءقازىر ءبريدجيتتىڭ جەتى نەمەرەسى بار.
