راسىندا دا سوڭعى جىلدارى مەدەنيەت مينيسترلٸگٸ توي ٶتكٸزەتٸن اگەنتتٸككە ۇقساپ كەتكەنٸ جاسىرىن ەمەس. كەزٸندە مەدەنيەت سالاسىن ارىستانبەك مۇحامەديياۇلى باسقارعان تۇستا كٶپتەگەن مەرەكەلەر پايدا بولىپ, توي-دۋماننان كٶز اشپاي قالدىق ەمەس پە? ەندٸ وسىنىڭ بەرٸن توقتاتۋ كەرەك.
بٷگٸندە مەرەكە كەزٸندە ەلٸمٸزدە مەدال مەن اتاقتاردى الۋدان ٷلكەن جارىس ٶتٸپ جاتقانداي ەسەردە قالاسىڭ.
نەسٸن ايتاسىز, نازارباەۆ بيلٸگٸ ەلدٸڭ نازارىن باسقا جاققا بۇرۋ ٷشٸن جاساندى مەرەكەلەر مەن مەدالدەردٸ ويلاپ تاۋىپ, جۇرتتىڭ ميىن اتالا قىلعانىن جاسىرىپ قايتەمٸز.
دەل وسى كەزەڭدە وبلىس پەن اۋداننىڭ «قۇرمەتتٸ ازاماتى» دەگەن اتاقتار تويدا جىرتىس تاراتىلعانداي بەرٸلەتٸن ەدەت قالىپتاستى. تۋعان جەرٸنە قايىرىمى جوق, تالاي ادام «قۇرمەتتٸ ازاماتى» بولۋ ٷشٸن ەكە-كٶكەسٸن اراعا سالىپ, قولىنداعى بارىن «مەسەلە شەشكٸش» كٶكەلەرگە ويلانباستان ۇستاتا سالاتىن كٷيگە تٷستٸ.
وسىنداي كٶك تيىندىق قۇنى جوق اتاقتار حالىقتىڭ مٸنەز-قۇلقىن بۇزىپ, اتاقتى الۋ مەن بەرۋ قىپ-قىزىل ساۋداعا اينالعانىن بٸلەمٸز.
اتاق پەن مەدال الۋ جەمقورلىقتىڭ تامىرىن تەرەڭگە جايۋىنا ىقپال ەتكەنٸنە كۋە بولدىق.
ەگەر «ەرتەگٸلەر ەلٸنەن» مىستان كەمپٸر عايىپتان تايىپ, قازاقستانعا كەلٸپ, سۇلۋلىق بايقاۋىنا قاتىسىپ, «قازاقستان ارۋى» اتانىپ جاتسا ەشكٸم تاڭقالماس ەدٸ. سولاي, ايعايىن! وسى دەڭگەيگە دەيٸن قۇلدىراعانىمىزعا كٶز جۇما قاراۋىمىز ۇيات.
ەيتەۋٸر ەلٸمٸزدٸڭ جوعارعى اۋديت پالاتاسىنىڭ قىزمەتكەرلەرٸ بٸرٸنشٸ بولىپ ەس جيىپتى. ولار قر مەدەنيەت جەنە سپورت مينيسترلٸگٸ اتاق پەن مەدالدەرگە جۇمسالاتىن شىعىنىن قىسقارتۋدى تالاپ ەتٸپ وتىر. دۇرىس باستاما دەپ ەسەپتەيمٸز. مينيسترلٸك مەدالدەر مەن ماقتاۋ قاعازدارىنا جەنە يىققا جاباتىن شاپاندارعا جىل سايىن 42,2 ملن تەڭگە شىعىنداۋدى جٶن ساناپتى.
پارلامەنتتەن وسىعا اقشا سۇراي كەلگەن مينيسترلٸك ٶكٸلدەرٸ ٶزدەرٸنٸڭ 2023-2025 جىلدارعا ارنالعان بيۋدجەتٸندە مەدال, ديپلوم مەن كۋبوكتار ەزٸرلەۋگە مەملەكەت قازىناسىنان 126,5 ملن تەڭگە الۋدى كٶزدەگەن عوي.
بٸراق جوعارا اۋديت پالاتاسىنىڭ ٶكٸلدەرٸ مۇنشاما مەدالدەر مەن كۋبوكتاردى الاتىن مەدەنەيت قىزمەتكەرلەرٸ مەن سپورتشىلاردىڭ جوق ەكەنٸن العا تارتىپ, توقتاۋ سالعانداي بولىپتى.
كٷنٸ كەشە عانا مەدەنيەت جەنە سپورت مينيسترٸ بولىپ تاعايىندالعان اسحات ورالوۆ ويلانۋى كەرەك. مەدەنيەت مينيسترلٸگٸن اتاق پەن مەدال تاراتاتىن ورگانعا اينالدىرماۋى كەرەك.
