جينالعان ٶنٸمنٸڭ ەر كەلٸسٸن شارۋا 800 تەڭگەدەن ساۋدالاپ, 5 ميلليون تەڭگە پايداعا كەنەلگەن. سٶيتٸپ, بيىل ليمون باعىنىڭ كٶلەمٸن تاعى دا 10 سوتتىققا ۇلعايتىپتى. قازٸر مۇندا كٶشەتتەر توپىراققا وتىرعىزىلىپ, كٷتٸپ-باپتاۋعا الىنعان.
«ليموننىڭ كٶشەتتەرٸن 2016 جىلى ٶزبەكستان ەلٸنەن ارنايى الدىرتتىق. جىلىجاي قۇرىپ, ٷشٸنشٸ جىلى 3 توننا, ال بيىل 5 توننا ٶنٸم الدىق. ەر تٷپ شامامەن 30-40 كەلٸدەن ٶنٸم بەردٸ. نەگٸزٸنەن ەر تٷپ ليمون 25-30 جىل ٶنٸم بەرۋگە قاۋقارلى», - دەيدٸ جىلىجاي باعبانى يۋلداش ابلازوۆ.
جالپى, «نۇرسۇلتان» شارۋا قوجالىعىنىڭ يەلٸگٸندە 17 گەكتار جەر بار. ونىڭ 6 گەكتارىنا شابدالى, 20 سوتتىعىنا جٷزٸم, 20 سوتتىعىنا ليمون, 80 مىڭ تٷپ شايلى روزا كٶشەتتەرٸ ەگٸلٸپتٸ. قوجالىق تٶراعاسى مۇرات جۇمابەكوۆ الداعى جىلى ليمون كٶلەمٸن تاعى دا 30 سوتتىققا ارتتىرۋدى جوسپارلاپ وتىر.
ايتا كەتەرلٸگٸ, بۇل قوجالىق تەجٸريبە رەتٸندە 2 گەكتار جەرگە قۇرما ەككەن. الايدا ساۋىسقان قۇسى داقىلدىڭ بۇل تٷرٸنٸڭ ٶسٸۋٸنە ايرىقشا كەدەرگٸ كەلتٸرٸپتٸ.
تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸ
