ەكونوميست ماقسات حالىق ٷكٸمەتتٸڭ ەكونوميكالىق باعىتىنا قاتىستى ٶز كٶزقاراسىن بٸلدٸرٸپ, ەل ٷكٸمەتٸن باسقارۋعا كەسٸبي ەكونوميست كەلۋٸ قاجەت ەكەنٸن ايتتى. ونىڭ پٸكٸرٸنشە, ٷكٸمەت باسشىسى قاي ەكونوميكالىق مەكتەپكە سٷيەنەتٸنٸن, قانداي ۇستانىمدى باسشىلىققا الاتىنىن اشىق جارييالامايىنشا, قابىلداناتىن شەشٸمدەردٸڭ لوگيكاسى مەن باعىتى تٷسٸنٸكسٸز بولىپ قالا بەرەدٸ, دەپ حابارلايدى Dalanews.kz
ماقسات حالىقتىڭ ايتۋىنشا, قازٸرگٸ تاڭدا ٷكٸمەت باسشىسى ٶزٸن ناقتى قاي ەكونوميكالىق باعىتتىڭ ٶكٸلٸ ەكەنٸن جارييا ەتپەگەن. بۇل جاعداي ەكونوميكالىق ساياساتتاعى جٷيەلٸلٸك پەن سەنٸمگە كەرٸ ەسەر ەتەدٸ.
ەكونوميست پرەزيدەنتتٸڭ ەل ەكونوميكاسىن ىرىقتاندىرۋ, نارىقتىق جەنە ليبەرالدى ەكونوميكانى دامىتۋ جٶنٸندە ناقتى باعدار بەرگەنٸن ەسكە سالدى. الايدا ٷكٸمەتتٸڭ بيۋدجەت جەنە قارجى ساياساتىنا قاتىستى قابىلداپ وتىرعان شەشٸمدەرٸ, ونىڭ ٸشٸندە بيزنەسكە تٷسەتٸن قىسىمنىڭ ارتۋى مەن سالىق جٷكتەمەسٸنٸڭ كٶبەيۋٸ, ليبەرالدى ەكونوميكانىڭ نەگٸزگٸ قاعيداتتارىنا ساي كەلمەيدٸ.
«ٷكٸمەت قانداي ەكونوميكالىق باعىتتى ۇستاناتىنىن اشىق ايتپايىنشا, ەكونوميكالىق ساياساتتا ايقىندىق بولمايدى. ال ايقىندىق جوق جەردە سەنٸم دە, جٷيەلٸلٸك تە قالىپتاسپايدى», – دەيدٸ ول.
سونىمەن قاتار ماقسات حالىق ەكونوميكالىق ٶسٸمدٸ تەك ستاتيستيكالىق كٶرسەتكٸشتەرمەن ٶلشەۋ قاتە ەكەنٸن اتاپ ٶتتٸ. ونىڭ ايتۋىنشا, ەگەر ەكونوميكالىق ٶسٸم حالىقتىڭ تابىسى مەن تۇرمىس ساپاسىنىڭ جاقسارۋىنا ەسەر ەتپەسە, ونداي ٶسٸمنٸڭ ناقتى پايداسى جوق.
«ەكونوميكا ٶسٸپ جاتىر دەگەن ساندار حالىقتىڭ ٶمٸرٸنە ەسەر ەتپەسە, ول تەك سىرتقى كٶرٸنٸس بولىپ قالادى. مىسالى, سالىق مٶلشەرلەمەسٸ 6,5 پايىزعا ٶسسە, سوعان سەيكەس جالاقى مەن ەلەۋمەتتٸك تٶلەمدەر دە ارتۋى كەرەك», – دەدٸ ەكونوميست.
ماقسات حالىق ٷكٸمەت قۇرامىنداعى ەكونوميستەردٸ, ونىڭ ٸشٸندە سەرٸك جۇمانعاريندٸ اشىق پٸكٸرتالاسقا شاقىردى. ونىڭ سٶزٸنشە, بۇل شاقىرۋ جەكە باسىن كٶرسەتۋ ٷشٸن ەمەس, كەسٸبي دەڭگەيدە ساياسي-ەكونوميكالىق وي الۋاندىعىن قالىپتاستىرۋ ماقساتىندا جاسالىپ وتىر.
«ەگەر مەن ەمەس, باسقا تەۋەلسٸز ەكونوميستەرمەن اشىق پٸكٸرسايىس ۇيىمداستىرىلسا دا قارسى ەمەسپٸن. بٸزگە جاي تالقىلاۋ ەمەس, ناقتى بالامالى ەكونوميكالىق ويلار قاجەت. سوندا عانا حالىق مٷددەسٸنە ساي, تيٸمدٸ ەرٸ ۇزاق مەرزٸمدٸ ەكونوميكالىق باعدارلاما جاساۋعا مٷمكٸندٸك تۋادى», – دەدٸ ول.
ەكونوميستٸڭ پايىمداۋىنشا, ەل ەكونوميكاسىنىڭ باعىتى اشىق ەرٸ تٷسٸنٸكتٸ بولعاندا عانا قوعامدا سەنٸم ارتىپ, قابىلداناتىن شەشٸمدەردٸڭ ساپاسى جاقسارادى.
