اتىراۋ وبلىسىنداعى جانگەلدين تراگەديياسىنا قاتىستى سوت پروتسەسٸ شەشۋشٸ كەزەڭگە جاقىندادى. بٸر وتباسىنىڭ تٶرت مٷشەسٸن ٶلتٸردٸ دەپ ايىپتالعان سۇلتان سەرسەمەليەۆتٸڭ ٸسٸ بويىنشا تاراپتاردىڭ سٶزٸ تىڭدالدى, دەپ حابارلايدى dalanews.kz.
بۇل تۋرالى جۋرناليست جانات مولداشوۆا Instagram پاراقشاسىندا جازدى. ونىڭ ايتۋىنشا, سوت وتىرىسى كەزٸندە جەبٸرلەنۋشٸ تاراپ سٶيلەگەن سەتتە ايىپتالۋشىنىڭ ەرەكەتٸ كٶپشٸلٸكتٸڭ نازارىن اۋدارعان.
"جەبٸرلەنۋشٸ سٶيلەگەندە سەرسەمەليەۆ مەز بولدى", – دەپ جازدى جۋرناليست.
قوعامدا ٷلكەن رەزونانس تۋدىرعان ٸس اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالىپ جاتىر. سەرسەمەليەۆ بۇرىنعى جۇبايى اقبايان مۇقانعاليەۆانىڭ اتا-اناسىن, اعاسى مەن قارىنداسىن ٶلتٸردٸ دەپ ايىپتالۋدا. قايعىلى وقيعا 2025 جىلدىڭ سوڭىندا اتىراۋ وبلىسىنداعى جانگەلدين اۋىلىندا بولعان.
بۇعان دەيٸن سوت جارىسسٶزٸ كەزٸندە مەملەكەتتٸك ايىپتاۋشى سەرسەماليەۆتٸ بٸرنەشە باپ بويىنشا كٸنەلٸ دەپ تانىپ, وعان ٶمٸر بويىنا باس بوستاندىعىنان ايىرۋ جازاسىن تاعايىنداۋدى سۇراعان. پروكۋرور جازانى تٶتەنشە قاۋٸپسٸزدٸك مەكەمەسٸندە ٶتەۋدٸ ۇسىندى.
ايىپتالۋشىعا ەكٸ نەمەسە ودان دا كٶپ ادامدى ٶلتٸرۋ, اسا قاتىگەزدٸكپەن كٸسٸ ٶلتٸرۋ, پايداكٷنەمدٸك نيەتپەن جاسالعان قىلمىس, سونداي-اق ۇرلىق, الاياقتىق, مال ۇرلىعى جەنە قۇجاتتاردى زاڭسىز يەلەنۋ باپتارى بويىنشا ايىپ تاعىلعان.
