Atyraý oblysyndaǵy Jangeldin tragediiasyna qatysty sot protsesi sheshýshi kezeńge jaqyndady. Bir otbasynyń tórt múshesin óltirdi dep aiyptalǵan Sultan Sársemálievtiń isi boiynsha taraptardyń sózi tyńdaldy, dep habarlaidy dalanews.kz.
Bul týraly jýrnalist Janat Moldashova Instagram paraqshasynda jazdy. Onyń aitýynsha, sot otyrysy kezinde jábirlenýshi tarap sóilegen sátte aiyptalýshynyń áreketi kópshiliktiń nazaryn aýdarǵan.
"Jábirlenýshi sóilegende Sársemáliev máz boldy", – dep jazdy jýrnalist.
Qoǵamda úlken rezonans týdyrǵan is Atyraý oblysynyń qylmystyq ister jónindegi mamandandyrylǵan aýdanaralyq sotynda qaralyp jatyr. Sársemáliev burynǵy jubaiy Aqbaian Muqanǵalievanyń ata-anasyn, aǵasy men qaryndasyn óltirdi dep aiyptalýda. Qaiǵyly oqiǵa 2025 jyldyń sońynda Atyraý oblysyndaǵy Jangeldin aýylynda bolǵan.
Buǵan deiin sot jaryssózi kezinde memlekettik aiyptaýshy Sársemalievti birneshe bap boiynsha kináli dep tanyp, oǵan ómir boiyna bas bostandyǵynan aiyrý jazasyn taǵaiyndaýdy suraǵan. Prokýror jazany tótenshe qaýipsizdik mekemesinde óteýdi usyndy.
Aiyptalýshyǵa eki nemese odan da kóp adamdy óltirý, asa qatygezdikpen kisi óltirý, paidakúnemdik nietpen jasalǵan qylmys, sondai-aq urlyq, alaiaqtyq, mal urlyǵy jáne qujattardy zańsyz ielený baptary boiynsha aiyp taǵylǵan.
