"ماسكەۋ سويلەپ تۇر" راديوسىنىڭ ءتىلشىسى ۆلاديمير مامونتوۆتىڭ ساۋالىنا جاۋاپ بەرگەن لۋكاشەنكو ەكى ەلدىڭ اراسىندا ورتاق وداق قۇرۋ ماسەلەسى قىزۋ تالقىلانىپ جاتقانىن جانە وسىنىڭ نەگىزىندە ورتاق ۆاليۋتا ەنگىزىلسە قارسى بولمايتىنىن اشىپ ايتتى.
"ءقازىر بىزگە ورتاق ۆاليۋتا ەنگىزۋ تۋرالى ۇسىنىس ءتۇسىپ جاتىر. ءبىز مۇنى قولدايمىز! جانە بۇل ۆاليۋتا – رۋبل بولادى"، – دەدى بەلارۋس پرەزيدەنتى.
– ءبىراق، – دەدى وسى ارادا لۋكاشەنكو. بۇل ۆاليۋتا رەسەي رۋبلىنە دە، بەلارۋس رۋبلىنە دە قاتىسى بولمايدى. ۆاليۋتانىڭ اتى – رۋبل دەپ اتالۋى كەرەك. بۇدان بولەك ەميسسيالىق ورتالىقتىڭ قايدا ورنالاسارىن انىقتاپ العانىمىز ءجون.
بەلارۋس پرەزيدەنتىنىڭ ايتۋىنشا بۇل ورتالىقتى مينسكىگە نەمەسە سمولەنسكىگە، ءتىپتى بولماسا قازىرگى رەسەي پرەزيدەنتىنىڭ تۋعان جەرى – سانكت پەتەربورعا دا ورنالاستىرۋعا بولادى.
ءدال ءقازىر لۋكاشەنكو مينسكىدە جۋرناليستەرمەن جۇزدەسىپ جاتىر.
