ق ر پرەمەر-مينيسترى ولجاس بەكتەنوۆ ۇكىمەتتە 2025 جىلعى 15 شىلدەدە وتكەن باسپا ءسوز ءماسليحاتىندا ۇلتتىق ۆاليۋتانىڭ ىقتيمال ديەۆالۆاسياسىنا قاتىستى وزىنە قويىلعان سۇراققا جاۋاپ بەردى، دەپ حابارلايدى Dalanews.kz.
"كۇزدە 1 اقش دوللارىنىڭ قۇنى 600 تەڭگە بولۋى مۇمكىن. كەيبىر ساراپشىلار وسىنداي بولجام جاساپ ءجۇر. بۇعان قاتىستى ءسىزدىڭ ويىڭىز قانداي، جالپى ۇكىمەت 2026 جىلعا ارنالعان بيۋدجەتتى قالىپتاستىرۋ كەزىندە ۆاليۋتا باعامى مەن جالپى مۇناي باعاسىنا قاتىستى قانداي سيفرلارعا سۇيەنەدى". بۇگىن، 2025 جىلى 15 شىلدەدە وتكەن ۇكىمەت وتىرىسىنان كەيىن وتكەن بريفينگ بارىسىندا جۋرناليستەردىڭ ءبىرى ۇكىمەت باسشىسىنا وسىنداي سۇراق قويدى.
ولجاس بەكتەنوۆ قازاقستاندا دوللار باعامى نارىقتىق فاكتورلار نەگىزىندە قالىپتاساتىنىن، وعان ۇلتتىق بانك ارالاسپايتىنىن ەسكە سالدى.
"بۇگىنگى تاڭدا ءبىزدىڭ جانە كوپتەگەن ساراپشىلاردىڭ باعالاۋى بويىنشا تەڭگە باعامىنىڭ كۇرت السىرەۋىن تانىتاتىن العىشارتتار بىلىنبەيدى. سوندىقتان الدا ديەۆالۆاسيا بولىپ، ۇلتتىق ۆاليۋتا باعامى كۇرت السىرەيدى دەپ كۇتىلمەيدى"، - دەدى ۇكىمەت باسشىسى.
ونىڭ ايتۋىنشا، بيۋدجەتتى قالىپتاستىرۋ كەزىندە ۇكىمەت مۇنايدىڭ ءبىر باررەلىنىڭ باعاسى 60 دوللار بولعاندا 1 اقش دولارىنىڭ قۇنى 540 تەڭگەگە بولادى دەگەن بازالىق سەنارييدى نەگىزگە الادى.
"بۇل - نەگىزگى سەناريي. پەسسيميستىك سەناريي دەگەن دە بار، ەگەر كەنەتتەن مۇناي باعاسى 50 باررەلگە دەيىن تومەندەسە، وندا باسقا تەتىكتەر قاراستىرىلادى. ءبىراق ءبىز نەگىزگى سەناريي بۇگىنگى تاڭدا شىنايى قالىپقا يە دەپ سانايمىز"، - دەپ اتاپ ءوتتى بەكتەنوۆ.
بۇعان دەيىن ۇلتتىق بانك ءتوراعاسى تيمۋر سۇلەيمەنوۆ تەڭگەنىڭ السىرەۋىنە نە سەبەپ بولعانىن ايتىپ بەرگەن ەدى.
