كٷش اتاسى قاجىمۇقاننىڭ 149 جىلدىعىنا ارنالعان تۋرنير ٶتەدٸ
كٷش اتاسى قاجىمۇقان مۇڭايتپاسوۆتىڭ دەستٷرلٸ حالىقارالىق تۋرنيرٸ بيىل 17 مامىر كٷنٸ باستالىپ, 3 كٷنگە سوزىلادى. بۇل تۋرالى ٶڭٸرلٸك كوممۋنيكاتسييالار قىزمەتٸندە ورداباسى اۋدانىنىڭ ەكٸمٸ قايرات جولدىبايۇلى مەن وبلىستىق سپورت باسقارماسىنىڭ باسشىسى پولات قىرىقباەۆ مەلٸمدەدٸ.
دەستٷرلٸ تۋرنير قازاق حالقىنىڭ تاريحىنداعى تۇڭعىش كەسٸپقوي بالۋانى, وراسان كٷشتٸڭ يەسٸ, كٷرەستٸڭ بٸرنەشە تٷرٸنەن ەلەم چەمپيونى قاجىمۇقان مۇڭايتپاسۇلىنىن ۇرپاق جادىندا جاڭعىرتىپ وتىرۋعا باعىتتالعان. ول – 54 مەملەكەتتە كٷرەسكە تٷسٸپ, 48 مەدال ولجالاعان جاۋىرىنى جەرگە تيمەگەن باتىر.
– قر تۇڭعىش پرەزيدەنتٸ نۇرسۇلتان نازارباەۆ مەڭگٸلٸك ەل بولۋ مۇراتى بابالاردىڭ ەرلٸگٸ, بٷگٸنگٸ بۋىننىڭ ەرەن ٸستەرٸ جەنە جاس ۇرپاقتىڭ جاسامپازدىعى اراسىندا ساباقتاستىق بولسا عانا جٷزەگە اساتىنىن ٷنەمٸ ايتىپ كەلەدٸ. تاريحتا ەسٸمٸ التىن ەرٸپتەرمەن جازىلعان ۇلى تۇلعالاردى دەرٸپتەۋ – وسى ساباقتاستىقتى جالعاستىرۋ بولماق. قاجىمۇقان مۇڭايتپاسوۆ – بارشا قازاقتىڭ ماقتانىشى. ونىڭ ەرلٸگٸ, ەلدٸڭ اتىن ەلەمگە تانىتۋعا سٸڭٸرگەن ەڭبەگٸ ۇشان تەڭٸز. ٶمٸرٸنٸڭ سوڭعى كٷندەرٸن ورداباسىدا ٶتكٸزٸپ, وسى قاسيەتتٸ مەكەندٸ مەڭگٸلٸك تۇراعى ەتكەن پالۋاندى بٷگٸندە ورداباسىدان بٶلە جارا سٶز ەتە المايمىز. كٷش اتاسىنىڭ اسىل سٷيەگٸ جاتقان اۋدانىمىزدان ەلەمدٸك, حالىقارالىق جارىستاردا توپ جارىپ جٷرگەن بالۋاندار ۇلاس مومىنوۆ, نۇرلان اسىلوۆ, دەۋلەت بايجٸگٸتوۆ, قۋات بايقوجاەۆ, ەلتاي سىدىقوۆ, وڭعار ٷندەمەسوۆ, وڭدىباي ٷندەمەسوۆ, سەيداحمەت قوناقباەۆ سىندى جٸگٸتتەر قاجىمۇقاننىڭ ٸزٸمەن جٷردٸ, – دەدٸ ورداباسى اۋدانىنىڭ ەكٸمٸ.
بٷگٸندە اۋداندا اتاقتى بالۋان بولسام دەگەن ارماننىڭ جەتەگٸندە ٶسٸپ كەلە جاتقان جەتكٸنشەكتەردٸڭ كٶپتٸگٸ دە – كٶڭٸلگە مەدەۋ. جۇمانازار ەرسۇلتانوۆ, ەدٸلجان ىستىباەۆ, اعايىندى عۇمار, عۇسمان قىرعىزباەۆتار, ابزال ارىستانبەك تالاي دٷبٸرلٸ دودادان توپ جارىپ, ورداباسى ٶڭٸرٸنٸڭ مەرەيٸن تاسىتىپ جٷر.
بيىلعى دودا دا ەڭ مىقتىنى انىقتاۋمەن قاتار, قازاق كٷرەسٸنٸڭ دامۋ ساتىسىنداعى تاعى بٸر باسپالداققا كٶتەرٸلۋٸنٸڭ كٶرٸنٸسٸنە اينالماق. قاجىمۇقان مۇڭايتپاسوۆتىڭ 149 جىلدىعىنا ارنالعان 55-تۋرنيرگە 5 مەملەكەتتەن 200-دەن استام سپورتشى قاتىسادى دەپ جوسپارلانۋدا.
جالپى ورداباسى جەرٸنەن قر ەڭبەگٸ سٸنگەن 6 جاتتىقتىرۋشى, 3 سپورت قايراتكەرٸ, كٷرەستەن 100-دەن اسا سپورت شەبەرٸ, بٸرنەشە حالىقارالىق دەرەجەدەگٸ سپورت شەبەرٸ, ەلەم بٸرٸنشٸلٸكتەرٸنٸڭ, ازييا چەمپيوناتتارىنىڭ جەڭٸمپازدارى مەن جٷلدەگەرلەرٸ شىققان.
تٷركٸستان وبلىسى ٶڭٸرلٸك كوممۋنيكاتسييالار قىزمەتٸ
