قازٸرگٸ تاڭدا كۋرچاتوۆ قالاسىندا ايرىقشا قامقورلىقتى قاجەتسٸنەتٸن 83 بالا تٸركەلگەن. ولاردىڭ 46 مەكتەپ جاسىنداعى بالالار. ەرەكشە قامقورلىقتى قاجەتسٸنەتٸن تٶرت بالا ماماندانىدىرلعان بٸلٸم بەرۋ مەكەمەسٸندە بٸلٸم السا, قالعاندارى ورتا مەكتەپتەردە ٶزگە بالالارمەن بٸرگە بٸلٸم الىپ جاتىر.
– قازٸرگٸ تاڭدا قالامىزداعى مەكتەپتەردە 26 ينكليۋزيۆتٸ سىنىپ, بالاباقشادا 4 ينكليۋزيۆتٸ توپ جاساقتالعان. ينكليۋزيۆتٸ سىنىپتار مەن توپتار جاساقتالعان مەكەمەلەردە پسيحو-مەديتسينا-پەداگوگيكالىق كونسيليۋم جۇمىس ٸستەيدٸ, – دەدٸ قالا باسشىسى.
ال كۋرچاتوۆ قالاسىنداعى №3 ورتا مەكتەپتە ورنالاسقان ينكليۋزيۆتٸ بٸلٸم بەرۋدٸڭ رەسۋرستىق ورتالعى ايرىقشا قامقورلىقتى قاجەتسٸنەتٸن بالالارعا ەدٸستەمەلٸك كٶمەك كٶرسەتٸپ, ولاردىڭ ٶز بالالار سەكٸلدٸ بٸلٸم الۋىنا قولداۋ كٶرسەتٸپ كەلەدٸ.
ورتالىق قىزمەتكەرلەرٸ سەمينارلاردى جيٸ ۇيىمداستىرىپ, بٸلٸكتٸ پسيحولوگ ماماندارمەن تىعىز قارىم-قاتىناستا جۇمىس ٸستەيتٸنٸن ايتا كەتۋٸمٸز كەرەك.
ٶز كەزەگٸندە الەكسەي گلازينسكيي كۋرچاتوۆ قالاسىندا بٸلٸم بەرۋ مەكەمەلەرٸندە ايرىقشا قامقورلىقتى قاجەتسٸنەتٸن بالالارعا ەركٸن قيمىلداۋىنا بارلىق جاعداي جاسالعانىن تٸلگە تيەك ەتتٸ. ەكٸمنٸڭ ايتۋىنشا, بالالار «كەدەرگٸسٸز ەلەم» دەپ اتالاتىن جاسٶسپٸرٸمدەرگە ارنالعان ٷيٸرمەلەرگە قاتىسىپ, ٶز مٷمكٸندٸكتەرٸن جٷزەگە اسىرىپ جٷر ەكەن.
