Qazirgi tańda Kýrchatov qalasynda airyqsha qamqorlyqty qajetsinetin 83 bala tirkelgen. Olardyń 46 mektep jasyndaǵy balalar. Erekshe qamqorlyqty qajetsinetin tórt bala mamandanydyrlǵan bilim berý mekemesinde bilim alsa, qalǵandary orta mektepterde ózge balalarmen birge bilim alyp jatyr.
– Qazirgi tańda qalamyzdaǵy mektepterde 26 inkliýzivti synyp, balabaqshada 4 inkliýzivti top jasaqtalǵan. Inkliýzivti synyptar men toptar jasaqtalǵan mekemelerde psiho-meditsina-pedagogikalyq konsiliým jumys isteidi, – dedi qala basshysy.
Al Kýrchatov qalasyndaǵy №3 orta mektepte ornalasqan Inkliýzivti bilim berýdiń resýrstyq ortalǵy airyqsha qamqorlyqty qajetsinetin balalarǵa ádistemelik kómek kórsetip, olardyń óz balalar sekildi bilim alýyna qoldaý kórsetip keledi.
Ortalyq qyzmetkerleri seminarlardy jii uiymdastyryp, bilikti psiholog mamandarmen tyǵyz qarym-qatynasta jumys isteitinin aita ketýimiz kerek.
Óz kezeginde Aleksei Glazinskii Kýrchatov qalasynda bilim berý mekemelerinde airyqsha qamqorlyqty qajetsinetin balalarǵa erkin qimyldaýyna barlyq jaǵdai jasalǵanyn tilge tiek etti. Ákimniń aitýynsha, balalar «Kedergisiz álem» dep atalatyn jasóspirimderge arnalǵan úiirmelerge qatysyp, óz múmkindikterin júzege asyryp júr eken.
