كۋبادا "مەليسسا" داۋىلى سالدارىنان 735 مىڭنان اسا ادام ەۆاكۋاسيالاندى، دەپ حابارلايدى Dalanews.kz.
سينوپتيكتەردىڭ دەرەگىنشە، بۇعان دەيىن ەڭ جوعارى، ياعني بەسىنشى ساناتقا يە بولعان داۋىل ءقازىر ءۇشىنشى دەڭگەيگە دەيىن السىرەگەن. جەلدىڭ ەكپىنى ساعاتىنا 205 شاقىرىمعا دەيىن جەتىپ وتىر. "مەليسسا" سارسەنبى كۇنى كۋباعا سوعىپ، سۋ تاسقىنى مەن كوشكىن ءقاۋپىن تۋدىرۋى مۇمكىن.
كەيىن داۋىل باگام جانە بەرمۋد ارالدارىنا قاراي باعىت الادى دەگەن ءقاۋىپ بار.
بۇعان دەيىن "مەليسسا" يامايكاعا سوعىپ، ءۇش ادامنىڭ ولىمىنە جانە جۇزدەگەن مىڭ تۇرعىننىڭ جارىقسىز قالۋىنا سەبەپ بولدى. سونداي-اق، گايتي مەن دومينيكان رەسپۋبليكاسىندا دا ادام شىعىنى تىركەلگەن.
