Kýbada "Melıssa" daýyly saldarynan 735 myńnan asa adam evakýasıalandy, dep habarlaıdy Dalanews.kz.
Sınoptıkterdiń dereginshe, buǵan deıin eń joǵary, ıaǵnı besinshi sanatqa ıe bolǵan daýyl qazir úshinshi deńgeıge deıin álsiregen. Jeldiń ekpini saǵatyna 205 shaqyrymǵa deıin jetip otyr. "Melıssa" sársenbi kúni Kýbaǵa soǵyp, sý tasqyny men kóshkin qaýpin týdyrýy múmkin.
Keıin daýyl Bagam jáne Bermýd araldaryna qaraı baǵyt alady degen qaýip bar.
Buǵan deıin "Melıssa" Iamaıkaǵa soǵyp, úsh adamnyń ólimine jáne júzdegen myń turǵynnyń jaryqsyz qalýyna sebep boldy. Sondaı-aq, Gaıtı men Domınıkan Respýblıkasynda da adam shyǵyny tirkelgen.
