ماسكەۋدەگى "كروكۋس سيتي حولل" كونسەرت زالىنداعى تەراكت كەزىندە قازا تاپقاندار سانى 115-كە جەتتى، - دەپ حابارلايدى Dalanews.kz.
بۇل تۋرالى رەسەيدىڭ تەرگەۋ كوميتەتى حابارلادى.
تەراكت بولعان وقيعا ورنىندا ۇيىندىلەردى تازارتۋ جۇمىستارى جۇرگىزىلگەن. ناتيجەسىندە قازا تاپقان ادامداردىڭ دەنەسى تابىلعان.
وسىلايشا، تەراكت سالدارىنان قازا تاپقاندار سانى 115-كە جەتكەن. ىزدەۋ جۇمىستارى ءالى دە ءجۇرىپ جاتىر.
سونىمەن قاتار، ماسكەۋ وبلىسىنىڭ دەنساۋلىق ساقتاۋ مينيسترلىگى قازا تاپقان ونداعان ادامنىڭ ءتىزىمىن جاريالادى.
ايتا كەتەيىك، 23 ناۋرىزعا قاراعان كەشتە ماسكەۋدەگى "كروكۋس سيتي حولل" كونسەرت زالىندا تەرروريستىك اكت بولدى. كەيىننەن لاڭكەستىك ارەكەتتەر جاسادى دەگەن كۇدىكتىلەردىڭ ەكەۋى ۇستالدى. تاعى تورتەۋىن ىزدەۋ جۇمىستارى جۇرگىزىلىپ جاتىر.
