پۋتيننٸڭ تٸلٸن تاپقان ەسكەريلەر بٷگٸندە پريگوجين مەن ونىڭ جەندەتتەرٸن قىسپاققا الۋدا. كٷنٸ كەشە عانا «ۆاگنەردٸڭ» جالدامالى ساربازدارى تانكتەرٸ مەن ارتيللەرييالىق گاۋبيتسييالارىنا وق-دەرٸ جەتپەي, قىناداي قىرىلىپ جاتقانىن ايتىپ, ەسكەريلەرگە جالىنعانداي بولىپ ۆيدوٷندەۋ جارييالاعانىن كٶردٸك.
ٶتكەن جىلدىڭ جەلتوقسان ايىندا دا ۆاگنەرلٸكتەر ەسكەريلەرگە ٷندەۋ جاساعانى ەسٸمٸزدە.
بٸراق ول كەزدە ولار بوقتىق سٶزٸن ارالاستىرىپ, ەسكەريلەرگە دوق كٶرسەتٸپ, ٶزدەرٸن قاجەتتٸ وق-دەرٸمەن قامتاماسىز ەتۋدٸ تالاپ ەتكەن-دٸ.
ال بۇل جولى جالدامالى جەندەتتەر جۋاسىپ قالىپتى. ەڭگٸمە اۋانىنان اگرەسسييا مٷلدە بايقالامايدى.
كٷزدە پريگوجين باس شتابتىڭ باستىعى ۆالەريي گەراسيموۆتى كەكەپ-مۇقاعانى ەسٸمٸزدە. بۇل جولى ول رەسەيدٸڭ مايدان شەبٸندە اۋىز تولتىرىپ ايتاتىنداي جەتٸستٸككە جەتپەۋٸنە «ەسكەري بيۋروكراتاييا» كٸنەلٸ ەكەنٸن ايتتى.
رەسەيدەگٸ سوڭعى ساياسي احۋالدان تٷيگەنٸمٸز. ەسكەريلەر مەن جالدامالىلار بٸرنەشە ايعا سوزىلعان تەكە-تٸرەستٸڭ نەتيجەسٸندە پريگوجيننٸڭ جەڭٸلٸسكە ۇشىراعانىن بايقاۋعا بولادى.
ۆاگنەرلٸكتەر ەزٸرشە ٶزدەرٸنٸڭ جەڭٸلٸسٸن تولىق مويىنداعان جوق. ولار ٶزدەرٸنٸڭ سەتتٸ سوعىسىپ جاتقاندارىن ايتىپ, اقتالۋدا.
پريگوجين جازدا تىم ەركٸنسٸپ ەڭگٸمە ايتقاندا شەشەنستان باسشىسى رامزان قادىروۆ ونى قولداپ, ەسكەريلەردٸڭ اۋلاسىنا بٸراز تاس لاقىتىپ, «ەسكەريلەر پۋتيندٸ جەرگە قاراتتى» دەگەن سىڭايدا ەڭگٸمە ايتقانى ەسٸمٸزدە.
ال سوڭعى كەزدەرٸ قادىروۆتىڭ ٷنٸ شىقپاي قالدى. وسىدان-اق, رەسەيدە پريگوجين مەن قادىروۆ تاندەمٸنٸڭ پوزيتسيياسى ەلسٸرەي باستاعانىنى انىق اڭعارۋعا بولادى.
فەدەرالدٸك دەڭگەيدەگٸ دٷنيەلەرگە قاتىستى ەڭگٸمە ايتىپ, پٸكٸر بٸلدٸرۋگە قۇمار قادىروۆ كٷنٸ كەشە «جەرگٸلٸكتٸ جەردەگٸ گۋبەرناتورلار انانى-مىنانى ەڭگٸمە قىلا بەرگەنشە, ەسكەري وپەراتسييا كەزٸندە قازا بولعان ساربازداردىڭ وتباسىلارىنا كٶمەك كٶرسەتۋگە كٶبٸرەك كٶڭٸل بٶلۋٸ كەرەك» ويىن ورتاعا سالعان بولدى. بۇرىنعىداي مايدان دالاسىنداعى ەسكەريلەردٸڭ قىزمەتٸنە باعا بەرمەدٸ. باياعى امبيتسييا جوق.
جالپى, پۋتيننٸڭ پريگوجين مەن قادىروۆتان ٸرگەسٸن اۋلاق سالۋى لوگيكاعا تۇرعىدان دۇرىس شەشٸم.
پۋتيننٸڭ ەسكەري وپەراتسيياسى سەتسٸزدٸككە ۇشىراي باستاعاندا پريگوجين رەسەيدەگٸ تٷرمەلەردٸڭ ەسٸگٸن تەۋٸپ كٸرٸپ, قىلمىسكەرلەردٸ سوعىسقا ٷگٸتتەپ, ۋكراينانى زەكتەرمەن جاۋالاپ الاتىنداي ەيفورييانى باستان كەشكەن-دٸ. بۇدان باسقا قادروۆتىڭ قولپاشتاۋى, سيرييادا ىمى-جىمى بٸر بولعان سەرگەي سۋروۆيكينٸڭ جاۋاپتى ەسكەري قىزمەتكە تاعايىندالعاننان كەيٸن پريگوجين ٶزٸن رەسەيدەگٸ ەڭ ىقپالدى ادام ەكەنٸن سەزٸندٸرگەن بولاتىن.
ٸسٸ كٷمەندٸ, رەسەيدٸڭ ٶزٸندە مويىندالماعان جەكە ەسكەري كومپانييانىڭ قوجايىنى پريگوجيننٸڭ ساياسي ارەناعا كٶتەرٸلۋٸنەن پۋتين ٷشٸن قاۋٸپتٸ ەكەنٸ انىق.
جەمقورلىقپەن اتى شىققان, تٷرمەدە وتىرعان پريگوجيننٸڭ مەملەكەت ٸسٸنە ارالاسا باستاۋى رەسەيدٸڭ قۇقىقتىق مەملەكەت دەگەن (ەگەر سولاي ويلاعان كٷننٸڭ ٶزٸندە) اتاۋدان جۇرداي بولعانىن ايقىنداي تٷسەتٸنٸ تاعى بار.
وسى رەتتە پۋتين دەرەۋ ەسٸن جيىپ, پريگوجيننەن ٸرگەسٸن اۋلاق سالۋدى جٶن دەپ تاپقانداي...
بولماسا پۋتيننٸڭ مۇنداي ەرەكەتكە بارۋىن ەسكەريلەر كٶندٸرۋٸ بەك مٷمكٸن. ەندٸ كٷن ٶتكەن سايىن مايدان دالاسىندا «ۆاگنەردٸڭ» ىقپالى ازايىپ, پريگوجيننٸڭ شويگۋ مەن گەراسيموۆپەن استىرتىن جٷز شايسۋى جالعاسا تٷسۋٸ مٷمكٸن.
رەسمي كرەمل پريگوجيننەن اياق استى ات-قۇيرىعىن كەسۋگە دەتٸ جەتپەۋٸ مٷمكٸن.
ايتالىق, پريگوجين تٷرمەلەردٸ ارالاپ, زەكتەردٸ سوعىسقا ٷگٸتتەگەندە ولارعا قوماقتى ٶتەماقى مەن ەركٸندٸكتٸ ۋەدە ەتكەنٸن بٸلەمٸز. بۇدان قىلمىسكەرلەر الدىندا پريگوجيننەن بٶلەك پۋتيننٸڭ دە جاۋاپكەرشٸلٸكتٸ موينىنا العانىن اڭعارۋعا بولادى.
ەگەر پريگوجينگە پۋتين كەڭشٸلٸك جاساماسا, ول تٷرمەلەرگە ەركٸن كٸرٸپ, قىلمىسكەرلەردٸ سوعىسقا ٷگٸتتەي الماس ەدٸ.
دەمەك قارۋ اسىنىپ, مايدان دالاسىندا قان تٶگٸپ جٷرگەن ەربٸر زەك پۋتيننٸڭ ٶز الدىنادا جاۋاپكەر ەكەنٸن تولىقتاي سەزٸنەدٸ. زەكتەرٸڭٸز كٷندە سولوۆەۆ پەن سيمونياننىڭ پروپاگانداسىن تىڭداپ جٷرگەن ۋرا پاتريوتتارمەن ەستە شاتاستىرۋعا بولامايدى. ولار ٶز دەگەنٸ بولماسا قولىنداعى قارۋىن كرەملگە كەزەنۋٸ مٷمكٸن.
وسى جايتتى ويلاعان پۋتين قازٸر پريگوجين باستاعان جەندەتتەردٸڭ باحمۋت قالاسىن ۇزاق ۋاقىت بويى الا الماي جاتقانىن العا تارتىپ, بار بەلەنٸ اتاقتى اسپازدىڭ باسىنا ٷيٸپ-تٶگٸپ, ايىپتى قىلۋدا.
الداعى ۋاقىتتا كرەمل «ۆاگنەردٸڭ» بەلسەندٸلٸگٸن بٸرتٸندەپ تٶمەندەتۋگە كٷش سالاتىنى انىق.
قازٸردٸڭ ٶزٸندە پريگوجين ٷشٸن رەسەيدەگٸ تٷرمەلەردٸڭ ەسٸگٸ تارس جابىلىپ, ونىڭ ويىننان شەتتەتۋ ٸسٸ باستالىپ كەتتٸ.
الداعى ۋاقىتتا پريگوجين بۇعان قارسى تۇراتىن بولسا, جاعداي ۋشىعىپ, رەسەيدٸڭ قاۋٸپسٸزدٸك كٷشتەرٸ پريگوجيندٸ وققا بايلاپ بەرٸپ, بۇل ٸستٸ بٸر جاقتى ەتۋٸ مٷمكٸن.
قالاي دەسەك تە, بۇل سوعىس – رەسەيدٸڭ بيلٸك باسىنداعىلار اراسىندا الاۋىزدىق تۋعىزاتىن جاڭا كەزەڭگە اياق باسقانداي...
بۇل رەتتە پريگوجين دە بٸردەن بەرٸلە سالمايتىنى انىق.
پريگوجيننٸڭ ارتىندا ورىس ەلەمٸنٸڭ يدەولوگييالىق جاقتاۋشىسى الەكساندر دۋگين مەن بٸراز پروپاگانديستەردٸڭ تۇرعانىن دا ەستەن شىعارماعان ابزال. وسىنداي جايتتاردى ەسكەرسەك, الداعى ۋاقىتتا كرەملدە الاۋىزدىق تۋىنداپ, پۋتيننٸڭ اينالاسى بٸرٸنٸڭ ەتٸن بٸرٸ جەي باستاۋى بەك مٷمكٸن.
ن.ەۋبەكٸر
