پرەزيدەنت قاسىم-جومارت توقاەۆ VI دٷنيەجٷزٸلٸك كٶشپەندٸلەر ويىندارىندا جوعارى نەتيجە كٶرسەتكەن قازاقستاندىق سپورتشىلار مەن ولاردىڭ جاتتىقتىرۋشىلارىن قۇتتىقتاپ, بٸرقاتار ازاماتقا مەملەكەتتٸك ناگرادالار تابىستادى, دەپ حابارلايدى dalanews.kz.
مەملەكەت باسشىسى ماراپاتتاۋ رەسٸمٸن استاناداعى تەۋەلسٸزدٸك سارايىندا ٶتكٸزٸپ, سپورتشىلار مەن جاتتىقتىرۋشىلاردى دٷنيەجٷزٸلٸك كٶشپەندٸلەر ويىندارىنداعى نەتيجەلەرٸمەن قۇتتىقتادى. ول ۇلتتىق قۇرامانىڭ شەبەرلٸگٸن جوعارى باعالاپ, سپورتشىلاردىڭ ۇلتتىق سپورت تٷرلەرٸندەگٸ قازاقستاننىڭ بەدەلٸن ارتتىرۋعا قوسقان ٷلەسٸن اتاپ ٶتتٸ.
پرەزيدەنت جالپىكوماندالىق ەسەپتەگٸ جەڭٸستٸڭ بٷكٸل ەل ٷشٸن ماقتانىش بولعانىن ايتتى.
«100-دەن استام ەلدٸڭ سپورتشىلارىمەن بەسەكەدە كٶك بايراعىمىزدى بيٸك كٶتەرٸپ, حالقىمىزدىڭ لايىقتى ٶكٸلدەرٸ بولدىڭىزدار. ۇلتتىق قۇرامامىز وتانداستارىمىزدىڭ ٷمٸتٸن تولىق اقتادى دەپ نىق سەنٸممەن ايتا الامىن. مەملەكەت باسشىسى رەتٸندە بٷكٸل قازاقستاندى جٸگەرلەندٸرگەن جەڭٸستەرٸڭٸز ٷشٸن شىنايى العىسىمدى بٸلدٸرەمٸن. بٷكٸل حالقىمىز سپورتشىلارىمىزعا ىستىق ىقىلاسپەن قولداۋ كٶرسەتٸپ, سٸزدەر ٷشٸن جانكٷيەر بولدى», – دەدٸ قاسىم-جومارت توقاەۆ.
ويىنداردىڭ قورىتىندىسى بويىنشا قازاقستاندىق سپورتشىلار 74 مەدال, ونىڭ ٸشٸندە 32 التىن مەدال جەڭٸپ الدى.
«بۇل جەتٸستٸك حالقىمىزدىڭ قايسار مٸنەزٸن, رۋحىنىڭ اسقاقتىعىن جەنە جەڭٸسكە دەگەن مىزعىماس جٸگەرٸن ايقىن كٶرسەتتٸ. سپورتتىڭ ەڭ ماڭىزدى ميسسييالارىنىڭ بٸرٸ – ٶزارا قۇرمەت پەن قولداۋدى قالىپتاستىرۋ, حالىقتار اراسىنداعى دوستىقتى نىعايتۋ. بۇل اۋقىمدى سپورتتىق شارا جوعارى دەڭگەيدە ۇيىمداستىرىلدى جەنە ونىڭ نەتيجەلەرٸ ەدٸل بولدى. وسى ورايدا قىرعىز رەسپۋبليكاسىنىڭ پرەزيدەنتٸنە ريزاشىلىعىمدى بٸلدٸرەمٸن», – دەدٸ پرەزيدەنت.
مەملەكەت باسشىسى بٷگٸندە بٷكٸل ەلەمنٸڭ نازارى تٷركٸ حالىقتارىنا اۋىپ وتىرعانىن ايتىپ, كٶشپەندٸلەر ويىندارىن ودان ەرٸ دامىتۋ جەنە كەڭٸنەن ناسيحاتتاۋ ٷشٸن كٷش بٸرٸكتٸرۋگە شاقىردى.
«قازاقستان بۇل ورتاق ٸسكە ٶز ٷلەسٸن قوسۋعا ەردايىم دايىن. اتا-بابالارىمىز ەكٸ باۋىرلاس حالىققا قالدىرعان ەڭ قىمبات مۇرا – ٶزارا قۇرمەت پەن مەڭگٸلٸك دوستىق. بٸز وسى دانالىققا نەگٸزدەلگەن ٶسيەتتٸ قاستەرلەۋٸمٸز كەرەك. بٸز ۇلى دالا ٶركەنيەتٸنٸڭ زاڭدى مۇراگەرٸمٸز. باتىر بابالارىمىز بٸزگە ۇلان-عايىر دالانى امانات ەتتٸ. ولار ٶزدەرٸنٸڭ دەستٷرلەرٸ مەن رۋحاني قۇندىلىقتارىن مۇراعا قالدىردى. وسى اسىل قازىنانى كٶزدٸڭ قاراشىعىنداي ساقتاپ, كەلەر ۇرپاققا جەتكٸزۋ – ورتاق مٸندەتٸمٸز. بۇل قاسيەتتٸ ميسسييانى ٸشكٸ قادٸر-قاسيەتٸمٸزدٸ, بيٸك مەدەنيەتٸمٸز بەن ەدەپتٸلٸگٸمٸزدٸ ساقتاي وتىرىپ اتقارۋىمىز كەرەك», – دەدٸ قاسىم-جومارت توقاەۆ.
پرەزيدەنت قازاقستاننىڭ بولاشاققا باعدارلانعان, الدىنا ناقتى ماقساتتار مەن مٸندەتتەر قويعان مەملەكەت رەتٸندە تۇراقتى دامۋىن جالعاستىرىپ كەلە جاتقانىن اتاپ ٶتتٸ.
ونىڭ ايتۋىنشا, ۇلتتىق سپورتپەن اينالىساتىن جاستاردان باستاپ سپورتشىلارعا, مەملەكەتتٸك قىزمەتشٸلەر مەن كەسٸپكەرلەرگە, دەرٸگەرلەر مەن مۇعالٸمدەرگە, ستۋدەنتتەر مەن عالىمدارعا, جۇمىسشىلار مەن باسشىلارعا, ەسكەري قىزمەتشٸلەر مەن تٷرلٸ ورگانداردىڭ قىزمەتكەرلەرٸنە دەيٸن بارلىعى جوعارى مەدەنيەت, سابىرلىلىق پەن ٸشكٸ بايسالدىلىق تانىتۋى كەرەك.
«بوس سٶز بەن داڭعويلىقتان اۋلاق بولعانىمىز جٶن. ناعىز پروگرەسسيۆتٸ قوعامدى تەك وسىلاي قۇرا الامىز», – دەدٸ پرەزيدەنت.
مەملەكەت باسشىسى ۇلتتىق سپورتتى دامىتۋ ٷكٸمەت پەن ەكٸمدٸكتەردٸڭ ماڭىزدى مٸندەتتەرٸنٸڭ بٸرٸ ەكەنٸن ايتتى.
«قازٸر بۇل سالادا 30-دان استام ارنايى مەكەمە جۇمىس ٸستەيدٸ. استانادا ۇلتتىق سپورت ۋنيۆەرسيتەتٸ اشىلدى. بۇل وقۋ ورنى سپورت سالاسىنداعى مامانداردىڭ كەسٸبي دەڭگەيٸن ارتتىرۋعا ايتارلىقتاي ٷلەس قوسادى دەپ سەنەمٸز. ۇلتتىق جەنە ات سپورتى تٷرلەرٸ ورتالىعى دا ٶز جۇمىسىن سەتتٸ باستادى», – دەدٸ ول.
پرەزيدەنتتٸڭ ايتۋىنشا, قازاقستاندا جىل سايىن قازاق كٷرەسٸ, توعىزقۇمالاق, اسىق اتۋ, كٶكپار, بەيگە جەنە باسقا دا ۇلتتىق سپورت تٷرلەرٸنەن مىڭنان استام جارىس ٶتكٸزٸلەدٸ.
سونىمەن قاتار ۇلتتىق سپورت تٷرلەرٸ فەستيۆالٸ, «اق بيداي» اۋىل سپورت ويىندارى, «قازاقستان بارىسى» تۋرنيرٸ تۇراقتى تٷردە ۇيىمداستىرىلادى.
«ەڭ باستىسى, ۇلتتىق سپورت تٷرلەرٸنٸڭ مەرتەبەسٸ زاڭ جٷزٸندە وليمپيادالىق سپورت تٷرلەرٸمەن تەڭەستٸرٸلدٸ. بٷگٸندە قازاق سپورتىنىڭ بەدەلٸ بۇرىن-سوڭدى بولماعان دەڭگەيدە جوعارى. مۇنى بٷكٸل ەلەم مويىنداپ وتىر. بٸزدٸڭ سپورتشىلارىمىز ٷنەمٸ ٷزدٸكتەر قاتارىندا», – دەدٸ توقاەۆ.
مەملەكەت باسشىسى جاقىندا قازاقستاندىق تانىمال سپورتشى ەلەنا رىباكينانىڭ تەننيستەن ەلەمنٸڭ بٸرٸنشٸ راكەتكاسى اتانعانىن دا اتاپ ٶتتٸ.
«بۇل – شىن مەنٸندە, اسا ٸرٸ جەتٸستٸك. مەن ەلەنا رىباكينانى ەڭبەكقورلىعى, شەبەرلٸگٸ جەنە جوعارى دەڭگەيدەگٸ جەكە مەدەنيەتٸ ٷشٸن قۇتتىقتادىم», – دەدٸ پرەزيدەنت.
قاسىم-جومارت توقاەۆ وتاندىق سپورتتاعى قازٸرگٸ جەتٸستٸكتەر ٷكٸمەت پەن سالالىق مينيسترلٸكتٸڭ جٷيەلٸ ەرٸ دەيەكتٸ جۇمىسىنىڭ نەتيجەسٸ ەكەنٸن اتاپ ٶتتٸ. سونىمەن بٸرگە الدا اتقارىلاتىن جۇمىس ەلٸ دە كٶپ ەكەنٸن ايتتى.
پرەزيدەنت قازاقستاندا كٶپتەگەن حالىقارالىق سپورتتىق جارىستار ٶتٸپ جاتقانىن اتاپ ٶتتٸ. بيىل استانادا دەستٷرلٸ سپورت پەن تسيفرلىق تەحنولوگييالاردى بٸرٸكتٸرگەن بٸرەگەي «بولاشاق ويىندارى» ۇيىمداستىرىلدى.
«كەلەسٸ جىلى ەلوردامىزدا بٸردەن جەتٸ ەلەم چەمپيوناتى ٶتەدٸ. الدىمىزدا اۋقىمدى جۇمىس تۇر. دەگەنمەن مۇنداي حالىقارالىق شارالاردىڭ بارلىعى ەلٸمٸزدٸڭ بەدەلٸ مەن ابىرويىن نىعايتۋ ٷشٸن اسا قاجەت. ال 2029 جىلى الماتىدا X قىسقى ازييا ويىندارى ٶتەدٸ. وسى ٸرٸ جارىستاردىڭ بارلىعىن ەڭ جوعارى دەڭگەيدە ۇيىمداستىرۋىمىز كەرەك», – دەدٸ مەملەكەت باسشىسى.
سٶزٸنٸڭ سوڭىندا پرەزيدەنت سپورتشىلاردىڭ جەڭٸسٸ جاس ۇرپاققا موتيۆاتسييا بەرٸپ, ولاردى جٸگەرلەندٸرەتٸنٸن ايتتى.
«جاستار سٸزدەرگە قاراپ بوي تٷزەيدٸ. بۇل – ٷلكەن مەرتەبە عانا ەمەس, زور جاۋاپكەرشٸلٸك. جەڭٸمپاز, چەمپيون بولۋ – بٸر بٶلەك, ٶزگەلەرگە چەمپيون دەگەن اتقا تولىق لايىقتى ٷلگٸ بولۋ – مٷلدەم باسقا نەرسە. جاستاردىڭ بويىندا تاباندىلىقتى, تٶزٸمدٸلٸك پەن شىدامدىلىقتى عانا ەمەس, ەدەپتٸلٸك, مەدەنيەت پەن تەرتٸپتٸ دە قالىپتاستىرۋ ٶتە ماڭىزدى. سوندا عانا جاستارىمىز تەنٸ دە, رۋحى دا مىقتى ازامات بولىپ ٶسەدٸ», – دەدٸ قاسىم-جومارت توقاەۆ.
رەسٸم بارىسىندا مەملەكەت باسشىسى VI دٷنيەجٷزٸلٸك كٶشپەندٸلەر ويىندارىندا جوعارى نەتيجە كٶرسەتكەن سپورتشىلارعا, سونداي-اق جارىستاردى ۇيىمداستىرۋ مەن ٶتكٸزۋگە ەرەكشە ٷلەس قوسقان ازاماتتارعا مەملەكەتتٸك ناگرادالار تابىستادى.
