يرانداعى قازاق دياسپوراسىنىڭ ٶكٸلٸ, يران قازاقتارى قاۋىمداستىعىنىڭ تٶراعاسى تايىپ بەگەي قازاقستان پرەزيدەنتٸ قاسىم-جومارت توقاەۆقا ٷندەۋ جولدادى. ول يرانداعى تٶتەنشە جاعداي مەن كٶشٸ-قون مەسەلەلەرٸنە بايلانىستى مەملەكەت باسشىسىنان كٶمەك سۇرادى, دەپ حابارلايدى Dalanews.kz.
“يراندا تٶتەنشە جاعداي ەكەنٸن بٸلەسٸزدەر. سٸزگە يران قازاقتارى تۋرالى شاعىن اقپارات بەرەيٸن. بٸزدٸڭ مۇندا كەلگەنٸمٸزگە 100 جىل بولدى. بٸراق ٶز سالت-دەستٷر, تٸلٸمٸزدٸ, مەدەنيەتٸمٸزدٸ ساقتادىق. قۇدايعا شٷكٸر, 91-دەن بەرٸ قازاقستان رەسپۋبليكاسى تەۋەلسٸزدٸك الىپ, بٸزدٸڭ يران قازاقتارى دا 93-تەن ٶز ەلٸنە, اتا جۇرتىنا كٶشٸپ باستادى. بۇل كٶشتە 30 جىلدىڭ ٸشٸندە جىلدا 30 ٷي, 20 ٷي, 50 ٷي ٶز اتا جۇرتىنا كٶشٸپ جٷردٸ”, — دەيدٸ ول.
الايدا ونىڭ ايتۋىنشا, كەيٸنگٸ جىلدارى قازاق دياسپوراسىنىڭ تاريحي وتانىنا ورالۋىنا بٸرقاتار كەدەرگٸ تۋىنداعان.
“يران قازاقتارىنىڭ قۇجاتتارىنىڭ ٸشٸنە “قازاق” دەگەن ۇلتىمىزدى جازعان جوق. تەك قازاقتار ەمەس, باسقا ۇلتتاردىڭ قۇجاتتارىنىڭ ٸشٸنە دە جازعان جوق. سوندىقتان بٸز بۇرىن قازاقستانعا بارۋعا يرانداعى قازاقستان رەسپۋبليكاسىنىڭ ەلشٸلٸگٸ جەنە كونسۋلدىعى بٸزگە بٸر انىقتاما بەرەتٸن ەدٸ. بٸراق 4 جىل بولدى, سول توقتادى. ەندٸ بارۋعا “قازاقتىعىڭىزدى دەلەلدەتٸڭٸز” دەيدٸ. بۇل بٸزگە كٶشۋگە ٷلكەن پروبلەما بولىپ جٷر”, — دەپ قوستى ول.
ونىڭ ايتۋىنشا, بۇعان دەيٸن يران قازاقتارىنا ٷش جىلعا تەگٸن دياسپورا ۆيزاسى بەرٸلەتٸن. الايدا قازٸر بۇل دا توقتاعان. سونىڭ سالدارىنان تۋىستىق بايلانىستار ٷزٸلٸپ, قازاقستانعا بارىپ-كەلۋ مٷمكٸندٸگٸ شەكتەلٸپ وتىر.
“يرانداعى قازاقتاردىڭ ماڭعىستاۋدا, قازاقستاننىڭ باسقا دا ٶڭٸرلەرٸنەن اعايىندارى, تۋىستارى بار. ولاردىڭ تۋىستارىنا بارۋى قيىن مەسەلە بولىپ تۇر”, — دەدٸ ول.
وسىعان بايلانىستى ول قازاقستان پرەزيدەنتٸنە ٷندەۋ جاسادى.
“ەندٸ بٸز, يران قازاقتارى, قاسىم-جومارت توقاەۆتان كٶمەك سۇرايمىز. بٸزگە قايتا انىقتاما مەن دياسپورا ۆيزان بەرسە, باسقا مەسەلەنٸ قازاقستانعا بارىپ شەشەمٸز”, – دەدٸ ول.
