مينيسترلىك ءمالىم ەتكەنىندەي شىعىستىڭ 6 اۋدانىندا (قاتونقاراعاي، ءۇرجار، زايسان، التاي، ريددەر جانە تارباعاتاي اۋدانى) سەل ءجۇرۋ ءقاۋپى بار.
اتالعان اۋدانداردىڭ شەكاراسىنا كىرەتىن ساۋىر سايقان، تارباعاتاي جانە يۆانوۆسكيي تاۋىنىڭ ۇشار باسىندا 150-گە جۋىق كول ورنالاسقان.
“وسىناۋ ۋچاسكىلەردە باقىلاۋدى كۇشەيتۋ قاجەت، سەل مەن كوشكىن ءقاۋپى ادامداردىڭ ومىرىنە قاتەر توندىرمەۋى كەرەك. وسى ماقساتتا ريددەردەگى يۆانوۆكا تاۋىندا ورنالاسقان 4 كولدە باتيمەتريالىق جۇمىس جۇرگىزىلدى.
زەرتتەۋ ناتيجەسىندە كولدەگى سۋ مولشەرى قالىپتى دەڭگەيدە انىقتالدى. مۇزدىقتاردان اققان سۋ كولگە كەدەرگىسىز قۇيىلىپ، ەركىن شىعىپ جاتىر. ازىرگە 4 كولدىڭ ارناسىنان اسۋ ءقاۋپى جوق، ايتكەنمەن جاعدايدى ءجىتى باقىلاۋدا ۇستايمىز”، – دەيدى توتەنشە جاعداي مينيسترلىگى.
وبلىستاعى “قازسەلدەنقورعاۋ” فيليالىنىڭ باسشىسى وماربەك دۇزگەمبايەۆتىڭ ايتۋىنشا كوشكىننىڭ الدىن الۋ ءۇشىن الدىمەن ول تۋرالى تولىق اقپارات جيناۋ قاجەت.
باتيمەتريالىق زەرتتەۋلەر وسى ءۇشىن جۇرگىزىلەدى. كولدىڭ اۋماعىن تۇتاس قامتيتىن تاسپاعا ءتۇسىرۋ جۇمىسىنىڭ ناتيجەسىندە اپاتتىڭ الدىن الارلىق جوسپار جاسالادى.
دۇزگەمبايەۆتىڭ مالىمەتىنە قاراعاندا ءقازىر شقو-داعى ءقاۋىپتى ۋچاسكىلەردە تۋريستەرگە ارنالعان 60-تان اسا اقپاراتتىق تاقتا ورناتىلعان، سونىڭ ىشىندە 18ء-ى كوشكىن ءقاۋپى بار ايماقتار جانە 46-سى سەل ءجۇرۋى مۇمكىن ۋچاسكىلەردە ورنالاسقان.
دەسە دە توتەنشە جاعداي مينيسترلىگىنىڭ وبلىستاعى ماماندارى كوشكىن جۇرەتىن ماۋسىم (15ء-شى قىركۇيەك) تولىق جابىلعانعان دەيىن اتالعان ۋچاسكەلەردى قاداعالاۋدى جالعاستىرادى.
