Ministrlik málim etkenindei Shyǵystyń 6 aýdanynda (Qatonqaraǵai, Úrjar, Zaisan, Altai, Ridder jáne Tarbaǵatai aýdany) sel júrý qaýpi bar.
Atalǵan aýdandardyń shekarasyna kiretin Saýyr Saiqan, Tarbaǵatai jáne Ivanovskii taýynyń ushar basynda 150-ge jýyq kól ornalasqan.
“Osynaý ýchaskilerde baqylaýdy kúsheitý qajet, sel men kóshkin qaýpi adamdardyń ómirine qater tóndirmeýi kerek. Osy maqsatta Ridderdegi Ivanovka taýynda ornalasqan 4 kólde batimetriialyq jumys júrgizildi.
Zertteý nátijesinde kóldegi sý mólsheri qalypty deńgeide anyqtaldy. Muzdyqtardan aqqan sý kólge kedergisiz quiylyp, erkin shyǵyp jatyr. Ázirge 4 kóldiń arnasynan asý qaýpi joq, áitkenmen jaǵdaidy jiti baqylaýda ustaimyz”, – deidi Tótenshe jaǵdai ministrligi.
Oblystaǵy “QazSeldenQorǵaý” filialynyń basshysy Omarbek Dúzgembaevtyń aitýynsha kóshkinniń aldyn alý úshin aldymen ol týraly tolyq aqparat jinaý qajet.
Batimetriialyq zertteýler osy úshin júrgiziledi. Kóldiń aýmaǵyn tutas qamtityn taspaǵa túsirý jumysynyń nátijesinde apattyń aldyn alarlyq jospar jasalady.
Dúzgembaevtyń málimetine qaraǵanda qazir ShQO-daǵy qaýipti ýchaskilerde týristerge arnalǵan 60-tan asa aqparattyq taqta ornatylǵan, sonyń ishinde 18-i kóshkin qaýpi bar aimaqtar jáne 46-sy sel júrýi múmkin ýchaskilerde ornalasqan.
Dese de Tótenshe jaǵdai ministrliginiń oblystaǵy mamandary kóshkin júretin maýsym (15-shi qyrkúiek) tolyq jabylǵanǵan deiin atalǵan ýchaskelerdi qadaǵalaýdy jalǵastyrady.
