بٸرنەشە كٷن بۇرىن قان قىسىمى تٶمەندەگەن سوڭ بالاسى جەدەل جەردەم شاقىرتقان ەكەن. سونىمەن بەرٸ بٸتتٸ. «ناۋقاسىنىڭ جاعدايىن ٶزٸمٸز بٸلەمٸز, اۋرۋحانادا جاتپاي-اق قويسىن» – دەگەنٸمٸزگە دەرٸگەرلەر كٶنبەي قويدى.
ەنشەيٸندە «بٸرەۋلەر اۋرۋحاناعا جاتا الماي جٷر ەكەن نەمەسە ناشار, الىپ كەتٸڭدەر دەپتٸ» – دەگەندٸ ەستيتٸن ەدٸك. جوق جابىسىپ ايىرىلمادى. اعامىزدىڭ حالٸن, دياگنوزىن كٶرٸپ قۋانىپ كەتكەن بولۋى كەرەك: «كورونوۆيرۋسقا بٸر كليەنت تابىلدى» – دەپ. قولدى-اياققا تۇرعىزباي, انا اۋرۋحاناعا بٸر اپارىپ, مىنا اۋرۋحاناعا بٸر اپارىپ, اقىرى كورونوۆيرۋس قىلىپ شىعاردى. سودان باۋىرىمىزدى كٶرمەدٸك. بەرتٸنگە دەيٸن شامالاپ تاماق ٸشٸپ, كٸرٸپ-شىعىپ جٷرگەن, كٶڭٸل-كٷيٸ دە جامان ەمەس ەدٸ, «ەكٸ اپتاسى ٶتسە, شىعارادى عوي» – دەپ ٷمٸتتەنٸپ جٷرگەمٸز, كەشە تاڭدا باقيلىق بولعانىن ەسٸتتٸك.
مەيٸت بەرٸلمەيدٸ, ساعات سەگٸز جارىمدا قالقاماننىڭ مەيٸتحاناسىنان پوليگونعا الىپ كەتەدٸ, نەشە مەتر جەردە تۇرىپ قوشتاسۋعا ەكٸ ادامعا عانا رۇحسات دەگەندٸ ەستٸپ, جان ۇشىرىپ مولدا تاۋىپ, قالقامانعا جەتتٸك. سول جەردە جانازاسى شىعارىلدى. جەشٸككە سالىپ, جەشٸكتٸڭ بەتٸن شەگەلەپ تاستاعان ەكەن, جٷزٸن دە كٶرە المادىق. مەيٸتتٸ ارنايى ماشيناعا سالدى, بٸزگە بٸر ماشينامەن ارتتارىنان جٷرٸپ وتىرىپ بارۋعا رۇحسات ەتتٸ. قابٸردٸ قازىپ دايىنداپ قويعان ەكەن. اقىم جوق, شامامەن 1,5 مەتر تەرەڭدٸكتە قازىلىپتى.
تابىت قابٸرگە تٷسٸرٸلگەن سوڭ ٷستٸنە ەكٸ مەشوك حلور تٶكتٸ.
بۇل نە? ادام قايتىپ كەتتٸ, ونى دەزينفەكتسييالادىڭ, ماتاعا ورادىڭ, سىرتىنان تسەلوفانعا ورادىڭ, ونى جەشٸككە سالىپ شەگەلەدٸڭ. قابٸرگە جەشٸگٸمەن سالدىڭ, ەندٸ ونىڭ ٷستٸنە ەكٸ مەشوك حلور تٶگٸپ نە كەرەك? وسىنداي شەشٸم شىعارىپ وتىرعانداردىڭ بەتتەرٸنە دە ەكٸ مەشوك حلور تٶگٸلۋٸن تٸلەيمٸن! وسى شەشٸمدٸ شىعارۋعا دٸن ٶكٸلدەرٸ دە قاتىستى, وسىدان كەيٸن ولارعا قانداي قۇرمەت?
جولدىڭ سول جاعىنا مۇسىلماندار, وڭ جاعىنا حريستياندار جەرلەنەتٸن ەتٸپ شەشٸپتٸ. بٸز باۋىرىمىزدى جەر قويناۋىنا تاپسىرىپ جاتقاندا وڭ جاقتا 74 جاستاعى بٸر قارييانى جەرلەپ جاتتى. وسى كورونوۆيرۋس بولماعاندا دا ول قارييانىڭ ەرتەلٸ-كەش دٷنيەدەن ٶتەتٸنٸ حاق ەدٸ. وسى كورونوۆيرۋس بولماسا دا دياگنوزى اسا جاقسى ەمەس بٸزدٸڭ باۋىرىمىزدىڭ دا ەرتەلٸ-كەش دٷنيەدەن ٶتەتٸنٸ حاق ەدٸ.
وسىنداي جاعدايدىڭ بەرٸن بيلٸك ارسىزدىقپەن پايدالانىپ, كورونوۆيرۋستان قايتقانداردىڭ سانىن جاساندى تٷردە كٶبەيتٸپ وتىر. 74 جاستاعى قارييا حريستيانداردان 8-ادام بولىپ, مەنٸڭ باۋىرىم مۇسىلماندار جاعىنداعى 4-ادام بولىپ جەرلەندٸ. قايتىس بولعان اداممەن قوشتاسۋ, ونى ارۋلاپ جەرلەۋ ادامزات بالاسىنا تەن مەدەنيەتتٸڭ, قۇندىلىقتىڭ بٸرٸ. وسىنى قازٸرگٸ بيلٸك اياق استى ەتٸپ وتىر.
قايتىس بولعان ادامعا, ۇلتتىڭ سالت-دەستٷرٸنە دەگەن بٸر تامشى دا سىي-قۇرمەتتەرٸ جوق, ٸس-ەرەكەتتەرٸنٸڭ بارلىعى ٶتٸرٸككە, كٶزبوياۋشىلىققا قۇرىلعان وسى بيلٸكتٸڭ تاريح ساحناسىنان تەزٸرەك كەتۋٸن تٸلەيمٸن. وسى فارستى قولداپ, ونىڭ قاتىسۋشىسى بولىپ وتىرعانداردىڭ دا قۇداي بار بولسا, جازاسىن بەرەتٸن شىعار.
بٸرٸمٸز ٷشٸن ەكە, بٸرٸمٸز ٷشٸن باۋىر بولعان ادام قازٸرگٸ ٶكٸمەت ٷشٸن ستاتيستيكالىق كٶرسەتكٸش, بٸر سان, نٶمٸر عانا بولدى.
بۇل – دۇرىس ويلاۋ قابٸلەتٸنەن ايىرىلعان بيلٸك. ساۋاتسىز, ەرٸ ادامگەرشٸلٸكسٸز ادامدار توبىنا ٷلكەن مەملەكەتتٸك ماشينانى بەرٸپ قويىپ وتىرمىز. ٶزدەرٸنٸڭ قولىنداعى مەملەكەتتٸك ماشينانى بٸزدٸڭ قۇقىمىزدى تاپتاۋ ٷشٸن, بٸزدٸڭ ار-نامىسىمىزدى قورلاۋ ٷشٸن قاتٸگەزدٸكپەن قولدانىپ وتىر. بيلٸكتٸڭ وسىنداي بٸلٸكسٸز ەرەكەتتەرٸنەن بٸرتە-بٸرتە بەرٸمٸز وپپوزيتسيياعا اينالاتىن شىعارمىز. كورونوۆيرۋس تاپپاي قاقتىعىپ وتىرعاندار…
جازبا ليازات دۋيسەمبەكوۆانىڭ Facebook پاراقشاسىنان الىندى
