ال مەدورتالىق بولسا كوروناۆيرۋس ينفەكسياسىنا تەست قابىلداۋدى جالعاستىرۋدا.

"تەستىلەۋدى توقتاتقان جوقپىز. نەگە؟ سەبەبى، ءبىز بۇل تالاپتى نەگىزسىز دەپ سانايمىز. تاۋار ساپاسى مەن قاۋىپسىزدىگىن قاداعالاۋ كوميتەتى "سۇڭقاردىڭ" تەستىلەۋگە ارنالعان ءتيىستى رۇقساتى جوق" دەيدى. بۇل رۇقساتتى ولار وزدەرى بەرەدى عوي. وسى اپتادا تاۋار ساپاسى مەن قاۋىپسىزدىگىن قاداعالاۋ كوميتەتىنىڭ ۇلتتىق ساراپتاما ورتالىعى قۇنى 11 500 تەڭگە تۇراتىن اقىلاۋ تەستىلەۋدى باستاپ كەتتى.

ءبىزدىڭ باعا بۇدان تومەن. 8500 تەڭگە. تۇپتەپ كەلگەندە كوميتەت ءبىزدى اياقتان شالىپ، جۇمىسىمىزعا اكىمشىلىك تۇرعىدان كەدەرگى كەلتىرۋدە. مۇنىڭ ارتىندا مۇددە قاقتىعىسى تۇر.

رۇقسات بەرۋ ءۇشىن كوميتەت وكىلدەرى وزىنەن الدەقايدا ارزان باعادا تەست جاسايتىن باسەكەلەسىنىڭ زەرتحاناسىن ءادىل باعالاۋعا ءتيىس بولادى.

ەكىنشى ماسەلە، ءدال ءقازىر تەستىلەۋدى توقتاتۋ ەش مۇمكىن ەمەس. سەبەبى تەست كەزەگىندە تۇرعان ادام كوپ. كوپشىلىگىنە جۇمىسقا شىعۋ كەرەك، ال جۇمىس ورنى كۆي سىناماسىن تالاپ ەتەتىنى بەلگىلى. كەيبىرەۋلەر ۆيرۋس جۇقتىرىپ الۋى مۇمكىن، الايدا ونى زەرتحانالىق نەگىزدە انىقتاۋ قاجەت.

سوسىن تەستىلەۋدى ءبىر عانا ورتالىق وتكىزگەنى دۇرىس ەمەس، ءبىر ورتالىقتىڭ سىناماسى اركەزدە انىق بولا بەرمەيدى. ەگەر ءبىزدى سوتقا تارتسا، ءوز قۇقىعىمىزدى قورعاۋعا كۇش سالامىز"، – دەيدى "سۇڭقار" مەدورتالىعىنىڭ مامانى ايزادا كەرىمقۇلوۆا.

الماتى قالاسىدا تەست تاپسىراتىن ورىن تاپشى. دەنساۋلىق ساقتاۋ ءمينيسترلى تەستىلەۋگە ارنالعان ورىنداردى انىقتاۋ ماسەلەسىن تۇبەگەيلى شەشە العان جوق دەيدى ورتالىق وكىلدەرى.

مەدورتالىق ءازىر كۇنىنە 120-150 تەست جاساۋدا.