25 جەلتوقسان كٷنٸ قر مەدەنيەت جەنە اقپارات مينيسترلٸگٸنٸڭ ۇيىمداستىرۋىمەن حالىق جازۋشىسى, مەملەكەتتٸڭ سىيلىقتىڭ لاۋرەاتى, كٶرنەكتٸ اقىن فاريزا وڭعارسىنوۆانىڭ 85 جىلدىعىنا ارنالعان «پوەزييا پاديشاسى» اتتى سالتاناتتى جيىن ٶتتٸ, دەپ حابارلايدى Dalanews.kz.
جيىنعا قر مەدەنيەت جەنە اقپارات مينيسترٸ ايدا بالاەۆا, قازاقستان جازۋشىلار وداعىنىڭ تٶراعاسى مەرەكە قۇلكەنوۆ, مەملەكەت جەنە قوعام قايراتكەرلەرٸ باقتىقوجا ٸزمۇحامبەتوۆ, قۋانىش سۇلتانوۆ پەن زييالى قاۋىم ٶكٸلدەرٸ, اقىننىڭ تۋعان تۋىستارى قاتىستى.
سالتاناتتى شارادا العاش سٶز العان قر مەدەنيەت جەنە اقپارات مينيسترٸ ايدا بالاەۆا:
بٷگٸن – فاريزا اپامىزدىڭ تۋعان كٷنٸ. اقىن كٶزٸ تٸرٸ بولسا 85 جاسقا تولار ەدٸ. بٷگٸنگٸ ٸس-شارانى ۇلتتىق ارحيۆتە ٶتكٸزۋدٸڭ ٶزٸندٸك مەنٸ بار. سەبەبٸ وسىدان از ۋاقىت بۇرىن فاريزا وڭعارسىنوۆانىڭ جەكە قورىنان قولجازبالارى مەن قۇندى قۇجاتتار ارحيۆكە تابىستالعان ەدٸ. مۇقاعالي ماقاتەۆ فاريزا وڭعارسىنوۆاعا ارناعان جىرىندا “ارحيۆتەردەن تابىلارمىز…” دەگەن سٶز ايتىپ ەدٸ. اقىننىڭ التىن قور, اسىل مۇرالارى بولاشاق فاريزاتانۋشىلارعا ٶلشەۋسٸز ازىق بولىپ, جاڭا مٷمكٸندٸكتەرگە جول اشادى دەپ سەنەمٸن. فاريزا وڭعارسىنوۆانىڭ ٶنەگەلٸ ٶمٸر جولىن, ٶشپەس مۇراسىن ۇلت بولىپ ۇلىقتاپ, كەيٸنگٸ ۇرپاققا جەتكٸزۋ – بارشامىزعا ورتاق پارىز, - دەپ ساليقالى سٶز سٶيلەدٸ.
بۇدان سوڭ مەملەكەتتٸك تاپسىرىسپەن جارىق كٶرگەن «فاريزا وڭعارسىنوۆا «تاڭدامالى» كٸتابىنىڭ تۇساۋكەسەر رەسٸمٸ ٶتتٸ.
سونداي-اق قازاقستان رەسپۋبليكاسى ۇلتتىق ارحيۆٸنٸڭ ديرەكتورى س.نۇرلانوۆا اقىننىڭ ۇلى الماس وڭعارسىنوۆقا فاريزا وڭعارسىنوۆانىڭ جەكە تەكتٸك قورىنىڭ اشىلۋىن كۋەلاندىراتىن سەرتيفيكاتتى تابىستادى.
ايتا كەتەيٸك سالتاناتتى جيىن اياسىندا فاريزا وڭعارسىنوۆانىڭ ٶمٸر دەرەكتەرٸنەن سىر شەرتەر قۇجاتتىق كٶرمە ۇيىمداستىرىلدى. كٶرمەگە اقىننىڭ ٶز قولىمەن جازعان وتباسىلىق شەجٸرەسٸ مەن ٶمٸربايانى, «كٶگەرشٸندەرٸم» ٶلەڭدەر جيناعىنان قولجازبالار, «دەستٷردٸ بٸلەسٸڭ بە?» ت.ب. وي-تولعامدارى, م. ماقاتاەۆتىڭ 60 جىلدىعىندا سٶيلەگەن سٶزٸ, نوتالارى مەن بۇرىن-سوڭدى جارييالانباعان فوتوسۋرەتتەرٸ جەنە حاتتارىنان جيناقتالعان 50-گە جۋىق قۇجاتتارى قويىلدى.
