مەدەنيەت جەنە اقپارات مينيسترٸ ايدا بالاەۆا دٷنيەجٷزٸلٸك تەاتر كٷنٸمەن قۇتتىقتادى, دەپ حابارلايدى Dalanews.kz.
مينيستردٸڭ ايتۋىنشا, ەلٸمٸزدە بٷگٸندە 70 تەاتر قىزمەت ەتەدٸ, سونىڭ 57-سٸ – مەملەكەتتٸك. ولاردىڭ 11-ٸ رەسپۋبليكالىق, 46-سى ٶڭٸرلٸك دەڭگەيدە جۇمىس ٸستەيدٸ. سوڭعى تٶرت جىلدا قازاقستاندا جاڭادان بەس مەملەكەتتٸك تەاتر اشىلعانى – وتاندىق تەاتر ٶنەرٸنٸڭ دامۋ ٷستٸندە ەكەنٸن دەلەلدەيدٸ.
«بٸزدٸڭ تەاترلار كٶرەرمەندٸ جاڭا قويىلىمدارمەن عانا قۋانتىپ قويماي, ەلٸمٸزدٸڭ مەدەنيەتٸن ەلەم ساحنالارىندا دا ناسيحاتتاپ جٷر. 9 مىڭعا جۋىق مامان ەڭبەك ەتەتٸن تەاتر ۇجىمدارىندا 4 200-دەن استام ادام تٸكەلەي شىعارماشىلىقپەن اينالىسادى. مەملەكەتتٸك تەاترلار جىلىنا 200-دەن استام جاڭا سپەكتاكل قويسا, سونىڭ 107-سٸ – وتاندىق اۆتورلاردىڭ تۋىندىلارى», – دەپ اتاپ ٶتتٸ مينيستر.
سونىمەن قاتار ايدا بالاەۆا تەاتر ساحناسى مەن ونىڭ ارتىنداعى بارشا سالا ماماندارىن – اكتەرلەر, رەجيسسەرلەر, دراماتۋرگتەر, ستسەنوگرافتار, جارىق پەن دىبىس شەبەرلەرٸ, كوستيۋمەرلەر, گريمەرلەر, ەكٸمشٸلٸك جەنە تەحنيكالىق قىزمەتكەرلەردٸ ايتۋلى مەرەكەمەن قۇتتىقتاي وتىرىپ, ولارعا شىعارماشىلىق شابىت پەن بيٸك جەتٸستٸكتەر تٸلەدٸ. ول, ەسٸرەسە, تەاتردىڭ ٶمٸرشەڭدٸگٸن ايقىندايتىن ەڭ باستى فاكتور – كٶرەرمەندەردٸڭ ىستىق ىقىلاسى مەن شىنايى قولداۋ ەكەنٸن تٸلگە تيەك ەتتٸ.
«ساحنادا جاڭا تاريحتار جاسالىپ, زالدا شاپالاقتىڭ ٷنٸ ٶشپەگەندە, تەاتر ادامداردى ٶنەرمەن ەلديلەپ, تەنتٸ ەتە بەرەدٸ. دٷنيەجٷزٸلٸك تەاتر كٷنٸ قۇتتى بولسىن!» – دەدٸ ايدا بالاەۆا.
