15 ناۋرىزدا وتەتىن رەسپۋبليكالىق رەفەرەندۋم ازاماتتارعا جاي عانا زاڭنامالىق تۇزەتۋلەردى ۇسىنعالى وتىرعان جوق، مەملەكەتتى دامىتۋدىڭ جاڭا فيلوسوفياسىن كورسەتپەك. قۇجاتتاعى نەگىزگى باعىتتاردىڭ ءبىرى – ءبىلىم مەن عىلىم سالالارىنىڭ باسىمدىعىن قۇقىقتىق تۇرعىدا بەكىتۋ. ۇسىنىلىپ وتىرعان وزگەرىستەر اتالعان سالالاردى دامىتۋ مەن قارجىلاندىرۋدى كونستيتۋسيالىق كەپىلدىكتەر قاتارىنا ەنگىزەدى، دەپ حابارلايدى Dalanews.kz.
قازاقستان تاريحىندا العاش رەت ءبىلىم، عىلىم جانە يننوۆاسيا ۇعىمدارىن كونستيتۋسيانىڭ پرەامبۋلاسىنا ەنگىزۋ ۇسىنىلىپ وتىر. بۇل اتالعان سالالاردىڭ مەملەكەتتىڭ ىرگەلى قاعيداتتارىنا اينالاتىنىن بىلدىرەدى. ياعني، كەلەشەكتە قابىلداناتىن كەز كەلگەن زاڭ مەن باعدارلامالار وسى باعدارعا ساي بولۋى ءتيىس.وسىلايشا ولاردى ۋاقىتشا ەكونوميكالىق قيىندىقتارعا بايلانىستى قايتا قاراۋ مۇمكىندىگى شەكتەلەدى.
رەفورمانىڭ ماڭىزدى جاڭالىعى – الەۋمەتتىك ماڭىزى بار نەگىزگى سالالاردى قارجىلاندىرۋدى قىسقارتۋعا جول بەرمەيتىن تەتىكتەردىڭ ەنگىزىلۋى. جاڭا نورمالارعا سايكەس، مەملەكەتتىك ورگاندار پەداگوگتەردىڭ جالاقىسىن تومەندەتۋ نەمەسە عىلىم سالاسىن قارجىلاندىرۋ كولەمىن ازايتۋ تۋرالى باستاما كوتەرە المايدى. مۇنداي ارەكەتتەر كونستيتۋسياعا تىكەلەي قايشى دەپ باعالانادى. بۇل ەرەجەلەردى جوعارى زاڭدىق دەڭگەيدە بەكىتۋ ءبىلىم جانە عىلىم قىزمەتكەرلەرىنە قاتىستى بيۋدجەتتىك مىندەتتەمەلەردى نەگىزسىز قايتا قاراۋعا بەرىك توسقاۋىل قويادى.
اۋقىمدى جاڭاشىلدىقتارعا قاراماستان، مەملەكەت نەگىزگى الەۋمەتتىك مىندەتتەمەلەرىنە ادال بولىپ قالا بەرەدى. جاڭا كونستيتۋسيادا كەلەسىدەي كەپىلدىكتەر ناقتى ءارى وزگەرىسسىز ساقتالادى:
1.تەگىن ورتا ءبىلىم الۋ كەپىلدىگى. ءاربىر بالا مەملەكەت ەسەبىنەن مەكتەپتە ءبىلىم الۋ قۇقىعىن ساقتايدى.
2.جوعارى بىلىمگە قول جەتكىزۋ. مەملەكەتتىك گرانتتار جۇيەسى مەن كونكۋرستىق نەگىزدە ديپلوم الۋ كاسىبي كادرلاردى دايارلاۋدىڭ باستى تەتىگى بولىپ قالادى.
بۇل نورمالاردىڭ اتا زاڭدا بەكىتىلۋى ءبىلىم بەرۋ جۇيەسىن سىرتقى فاكتورلار مەن ەكونوميكالىق قۇبىلۋلارعا ءتوزىمدى ەتەدى.عىلىم مەن ءبىلىمدى دامىتۋعا قاتىستى نورمالاردى جاڭا كونستيتۋسيا ماتىنىنە ەنگىزۋ ەلءىمىزءدىڭ ادامي كاپيتالىن ينستيتۋسيونالدىق تۇرعىدا نىعايتۋعا باعىتتالعان. ولاردى كونستيتۋسيالىق دەڭگەيگە كوتەرۋ مەملەكەتمىندەتءىن كۇشەيتىپ، الداعى ۋاقىتتا قارجىلىق جانە الەۋمەتتىك كەپىلدىكتەردى قايتا قاراۋ تاۋەكەلدەرىن ازايتادى.
