تۇرعىن ۇي-كوممۋنالدىق شارۋاشىلىقتى سيفرلاندىرۋ نەگىزدەرىنىڭ ءبىرى مەملەكەتتىك قالا قۇرىلىسى كاداسترىن – سيفرلىق ءونىمدى قۇرۋ جانە جۇرگىزۋ بولىپ تابىلادى، ول ەكونوميكانىڭ نەگىزگى سالالارى مەن تىرشىلىك ەتۋ سالالارىنىڭ بارلىق جىلجىمايتىن مۇلىك وبەكتىلەرى مەن ينفراقۇرىلىمدارىن جينايدى، ەسەپكە الادى جانە مونيتورينگ جاسايدى.
ەكونوميكا سەكتورلارىنىڭ نەگىزگى باعىتتارى مەن ينفراقۇرىلىمىن ءبىر اقپاراتتىق الاڭدا بىرىكتىرۋ جانە سيفرلاندىرۋ قۇرالدارىن قولدانۋ سالانىڭ جالپى جاعدايىن باعالاۋعا جانە ونى دامىتۋ بويىنشا ودان ءارى قادامدار جاساۋعا مۇمكىندىك بەرەدى.
«مەمقالاقۇرىلىسكاداسترى» رمك مامانداندىرىلعان مەملەكەتتىك كاسىپورنى مەملەكەتتىك قالا قۇرىلىسى كاداسترىن قالىپتاستىرۋدى جانە جۇرگىزۋدى جۇزەگە اسىرادى. بۇگىنگى كۇنى ەكونوميكانىڭ نەگىزگى باعىتتارى بويىنشا دەرەكتەرمەن رەسپۋبليكالىق دەڭگەي قۇرىلدى (9 تاقىرىپتىق دەرەكتەر قورى).
قازىرگى ۋاقىتتا ەلدى مەكەندەردىڭ ەلەكتروندىق كارتاسىن جاساۋ ماقساتىندا شىمكەنت، كوكشەتاۋ، پاۆلودار، پەتروپاۆل، اقتوبە، قىزىلوردا، تاراز جانە ورال قالالارىنىڭ قۇرىلىس سالىنعان اۋماعىندا جەراستى جانە جەرۇستى ينجەنەرلىك كوممۋنيكاسيالارىن نەگىزگى تۇگەندەۋ بويىنشا جۇمىستار جۇرگىزىلۋدە (1-سۋرەت).
اتالعان قالالار بويىنشا اتالعان مەملەكەتتىك قالا قۇرىلىسى كاداسترىن سيفرلاندىرۋ دەڭگەيى 25 %-عا ارتتى.
ءتيىستى اتريبۋتيۆتىك اقپاراتى بار عيماراتتاردى جانە ينجەنەرلىك جەلىلەردى 3D-مودەلدەۋ
مەملەكەتتىك قالا قۇرىلىسى كاداسترىنىڭ دەرەكتەرىن تۇگەندەۋ جانە سيفرلاندىرۋ قۇرىلىستار مەن كوممۋنيكاسيالار وبەكتىلەرىن ۇتىمدى جوسپارلاۋ مەن جوبالاۋدى، ولاردىڭ ورنالاسقان جەرىن جانە نەگىزگى سيپاتتامالارىن انىقتاۋدى قامتاماسىز ەتەدى. ءاربىر ۇيىمداستىرىلعان ەلدى مەكەندە تۇراقتى نەگىزدە تۇگەندەۋ جۇمىستارى جۇرگىزىلۋى ءتيىس، ولاردىڭ دەرەكتەرى مەملەكەتتىك قالا قۇرىلىسى كاداسترىنىڭ ءبىرىڭعاي جۇيەسىنە بىردەن ەنگىزىلەدى.
اعىمداعى تۇگەندەۋ تۋرالى اقپاراتتى ورتالىق جانە جەرگىلىكتى اتقارۋشى ورگاندار، كوممۋنالدىق شارۋاشىلىقتار جانە ۋاكىلەتتى كاداسترلىق جانە ينفراقۇرىلىمدىق قىزمەتتەر بەرەدى. قالا قۇرىلىسى كاداسترى دەرەكتەرىنىڭ سيفرلىق قورى قالىپتاستىرىلاتىن بولادى (2-سۋرەت).
مەملەكەتتىك قالا قۇرىلىسى كاداسترىنىڭ ءبىرىڭعاي جۇيەسىنىڭ قۇرالدارى
2018-2019 جىلدارى رەسپۋبليكالىق بيۋدجەت ەسەبىنەن 26،8 مىڭ گا تۇگەندەلدى. جەرگىلىكتى بيۋدجەت قاراجاتى ەسەبىنەن 10،6 مىڭ گا تۇگەندەلدى. سوڭعى 2 جىلدا ەلىمىزدىڭ ەلدى مەكەندەرىنىڭ قۇرىلىس سالىنعان اۋماعى 37،4 مىڭ گا سيفرلاندىرىلدى.
ساۋلەت، قالا قۇرىلىسى، قۇرىلىس جانە جەرگە ورنالاستىرۋ قىزمەتى، جوسپارلاۋ جوبالارىن ازىرلەۋ جانە ەل وڭىرلەرىنىڭ اۋماعىن دامىتۋدىڭ ستراتەگيالىق شەشىمدەرىن قابىلداۋ سالاسىندا جەدەل باسقارۋ شەشىمدەرىن قابىلداۋعا مۇمكىندىك بەرەتىن سيفرلىق تەحنولوگيالاردىڭ كومەگىمەن ينتەراكتيۆتى كەزەكشى جوسپارعا كوشۋ قالا قۇرىلىسى كاداسترى دەرەكتەرىنىڭ قالىپتاسۋ شاماسىنا قاراي كەلەسى كەزەڭ بولىپ تابىلادى.
ينتەراكتيۆتى كەزەكشى جوسپار ونلاين رەجيمدە قالا قۇرىلىسى كاداسترىنىڭ دەرەكتەرىن تولتىرۋ جانە ساۋلەت، قالا قۇرىلىسى جانە قۇرىلىس قىزمەتىن قامتاماسىز ەتۋگە قاجەتتى مالىمەتتەردى ۇسىنۋ ءۇشىن مەملەكەتتىك ورگاندار مەن كوممۋنالدىق قىزمەتتەردىڭ ءوزارا ءىس-قيمىلىن قامتاماسىز ەتەدى.
سيفرلىق مەملەكەتتىك قالا قۇرىلىسى كاداسترىن قۇرۋ جانە جۇرگىزۋ:
ەلدى مەكەندەردىڭ اۋماقتارىن جانە جىلجىمايتىن مۇلىك وبەكتىلەرى مەن كوممۋنيكاسيالاردى پايدالانۋ تۋرالى دەرەكتەردى ۇنەمى جاڭارتۋعا؛
ەلدى مەكەندەردە ينجەنەرلىك-گەودەزيالىق جۇمىستاردى جۇرگىزۋگە مەملەكەتتىك بيۋدجەت شىعىستارىن قىسقارتۋعا؛
ينفراقۇرىلىم وبەكتىلەرىن ۇتىمدى ورنالاستىرۋعا؛
توتەنشە جاعدايلاردىڭ تۋىنداۋىنا جەدەل ارەكەت ەتۋگە؛
ساۋلەت، قالا قۇرىلىسى جانە قۇرىلىس قىزمەتىنىڭ قۇجاتتارىن دايىنداۋ مەن بەرۋدى اۆتوماتتاندىرۋعا مۇمكىندىك بەرەدى.
IT-كاداستر وڭىرلەردە ساۋلەت، قالا قۇرىلىسى جانە قۇرىلىس سالالارىندا مەملەكەتتىك ورگاندار مەن مۇددەلى تۇلعالاردى اقپاراتتاندىرۋ ورتالىعىنا اينالادى دەپ كۇتىلۋدە.
ت.ت. مۇسابايەۆ،
«مەمقالاقۇرىلىسكاداسترى»
رمك باس ديرەكتورى،
تەحنيكا عىلىمدارىنىڭ دوكتورى،
ل.ن. گۋميليەۆ اتىنداعى ەۇۋ پروفەسسورى،
ق ر ۇيا اكادەميگى،
قۇرمەتتى قۇرىلىسشى،
قۇرمەتتى ساۋلەتشى
