مەجٸلٸس دەپۋتاتاتتارى تۇرعىن ٷي-كوممۋنالدىق شارۋاشىلىق مەسەلەلەرٸنە قاتىستى زاڭ جوباسىن ماقۇلدادى. وعان سەيكەس, كوممۋنالدىق تاريفتەردٸ ەندٸ اەك-كە (ايلىق ەسەپتٸك كٶرسەتكٸشكە) بايلاۋ كٶزدەلگەن. دەپۋتات ەكاتەرينا سمىشلياەۆا وسىندايدا تٶلەم ايتارلىقتاي ٶسە قويمايدى دەپ سەندٸردٸ, دەپ حابارلايدى Dalanews.kz.
ونىڭ ايتۋىنشا, تكش مەسەلەلەرٸ جٶنٸندەگٸ زاڭ جوباسىنا تۇرعىنداردان الىناتىن ەكٸ سالىمنىڭ تٷرٸ ايقىندالعان: ماقساتتى جەنە جيناق تٷرٸندەگٸ جارنالار.
"بٷگٸندەرٸ تاريفتەردٸ مەسليحاتتار بەكٸتەدٸ. الايدا مەسليحاتتار بۇل قادامعا بارۋعا قۇلىقسىز, ٶيتكەنٸ تاريفتٸ كٶتەرسە, سايلاۋشىلار اتتانداپ شىعادى. سوندىقتان مەسليحاتتار بٸرنەشە جىل بويى ونى كٶتەرمەي كەلگەن, ال تٶمەن تاريفتەرمەن ٷيدە كٷتٸپ-باپتاپ ۇستاۋ كٷننەن كٷنگە قيىنداپ بارادى. بٸز باسقارۋدان بٶلەك تۇرعىن ٷي قورىن ساقتاۋ قورى بارىن دا بٸلەمٸز", - دەدٸ دەپۋتات.
ول وسى سەبەپتٸ زاڭ جوباسىندا تاريفتٸ اەك-كە بايلاۋ تۋراسى قىزۋ تالقىلانعانىن, سوندىقتان ول اۆتوماتتى تٷردە يندەكستەلەتٸنٸن جەنە مەسليحاتتار بۇل مەسەلەگە ەندٸ باس اۋىرتا بەرمەيتٸنٸن اتاپ ٶتتٸ.
دەپۋتاتتىڭ ايتۋىنشا, قازٸر تۇرعىن ٷيلەرگە قىزمەت كٶرسەتۋ تاريفتەرٸ تٶمەن جەنە ونى مەسليحاتتار بەكٸتەدٸ: بٸر جەردە ول 50 تەڭگە, 52 تەڭگە نەمەسە 57 تەڭگە.
"يدەيا بويىنشا تاريفتەر جىل سايىن قايتا قارالىپ وتىرۋى تيٸس, ٶيتكەنٸ تۇرعىن ٷي قورىن ۇستاۋ ماڭىزدى مٸندەت بولىپ تابىلادى. ەگەر ەڭ تٶمەنگٸ تاريف قايتا قارالماسا, ونىڭ ٶسٸمٸ جالپى داۋىس بەرۋ ارقىلى قاراستىرىلۋى تيٸس جەنە مٸندەتتٸ تٷردە تۇرعىندارمەن جينالىستا ٶزارا كەلٸسٸلۋٸ كەرەك. تيٸسٸنشە, تاريفتەردٸ ەشكٸم ٶز ەركٸمەن كٶتەرە المايدى. ەكٸنشٸ جاعىنان, باسقارۋشى كومپانييالار تاريفتەردٸ كٷرت كٶتەرۋٸ مٷمكٸن. بٸزدٸڭ ويىمىزشا, تاريف اەك-كە بايلانسا, كٷرت ٶسٸم بولمايدى, ٶيتكەنٸ اەك بٸركەلكٸ ٶسەدٸ. تيٸسٸنشە, تاريف بٸرنەشە تەڭگەگە عانا ۇلعايادى, بۇل قازاقستاندىقتاردىڭ بيۋدجەتٸنە اۋىر سوققى بولمايدى. مۇنداي ەسەپتەۋ تەتٸگٸ حالىقتىڭ قالتاسىنا سالماق سالماي, تۇرعىن ٷيدٸ كٷتٸپ-باپتاپ ۇستاۋعا قاجەتتٸ قاراجاتتى جيناۋعا مٷمكٸندٸك بەرەدٸ", – دەدٸ سمىشلياەۆا.
ايتا كەتسەك, ەسٸرەسە الماتى تۇرعىندارى كوممۋنالدىق تاريفتەر ٶسٸمٸنە قاتتى بوي ۇرىپ وتىر. بٸر جىلداعى ٶسٸم, ەسٸرەسە جايلى تۇرعىن ٷيلەردە 100 پايىزدى قامتىعان.
