كولساي كولدەرى ۇلتتىق پاركىندە سيرەك كەزدەسەتىن جانۋار ۆيدەوعا ءتۇسىپ قالدى، دەپ حابارلايدى Dalanews.kz.
«كولساي كولدەرى» مەملەكەتتىك ۇلتتىق تابيعي پاركىنىڭ قايىڭ سايىنىڭ اۋماعىندا جۇرگىزىلگەن باقىلاۋ جۇمىستارى بارىسىندا مەملەكەتتىك ينسپەكتورلار تۇرسىنجانوۆ سۇلتان مەن ىبىشوۆ باقتىباي قايىڭدىنىڭ كۇنگەي بەتىنەن تۇركىستان سىلەۋسىنىن بەينەجازباعا ءتۇسىرىپ العان.
تۇركىستان سىلەۋسىنى – قازاقستاننىڭ قىزىل كىتابىنا ەنگىزىلگەن، اسا ساق ءارى سيرەك كەزدەسەتىن جىرتقىش اڭ. ول كوبىنە ادام كوزىنە سيرەك شالىنىپ، تابيعي ورتانىڭ تازالىعى مەن ەكوجۇيەنىڭ تۇراقتىلىعىن بىلدىرەتىن ماڭىزدى كورسەتكىش سانالادى.
