كولىك ۆيسە-مينيسترى ءساتجان ابلالييەۆ سىبايلاس جەمقورلىق بويىنشا ۇستالدى دەگەن اقپارات تارادى. شەنەۋنىك جول قۇرىلىسىن باقىلاۋشى كومپانيادان 78 مىڭ اقش دوللارى كولەمىندە پارا الدى دەگەن كۇدىككە ءىلىندى. دەرەككوزدەر مالىمەتىنشە، بۇل قاراجات ۇلىبريتانيادا وقيتىن بالاسىنىڭ وقۋ اقىسىن تولەۋگە جۇمسالعان دەگەن بولجام بار، دەپ حابارلايدى Dalanews.kz.
تەرگەۋ دەرەكتەرىنە قاراعاندا، ابلالييەۆ رەسپۋبليكالىق ماڭىزى بار جولدار قۇرىلىسىن تەحنيكالىق قاداعالاۋ سالاسىنداعى جەكەلەگەن كومپانيالارعا زاڭسىز تۇردە قولداۋ كورسەتكەن. وسى قىزمەتى ءۇشىن ول ءىرى كولەمدە پارا العان بولۋى مۇمكىن.
ءساتجان ابلالييەۆ كولىك ۆيسە-مينيسترى قىزمەتىن 2023 جىلدان بەرى اتقارىپ كەلگەن. بۇعان دەيىن ول ۇزاق جىل بويى كولىك مينيسترلىگىنە قاراستى اۆتوموبيل جولدارى كوميتەتى ءتوراعاسىنىڭ ورىنباسارى بولعان.
2021-2023 جىلدار ارالىعىندا ابلالييەۆ سولتۇستىك قازاقستان وبلىسى اكىمىنىڭ ورىنباسارى قىزمەتىن دە اتقارعان.
ءقازىر بۇل ءىس بويىنشا تەرگەۋ امالدارى ءجۇرىپ جاتىر. كولىك مينيسترلىگى بۇل جاعدايعا قاتىستى رەسمي مالىمدەمە جاساعان جوق. بۇعان دەيىن مينيسترلىك جولاۋشىلاردىڭ باگاج سالماعىن بىرىكتىرۋ ماسەلەسىن قاراستىرىپ، جاڭا ۇسىنىستار ەنگىزگەن بولاتىن.
